وقو وبلىسى كولەمىندەگى جىل قورتىندىلارى ەسەبى بويىنشا، ورداباسى اۋدانى وزىق تۇر.  اتالعان اۋداندا بيىلعى جىلدىڭ 6 ايىندا-اق اۋىل شارۋاشىلىق سالاسىندا 9 ميلليارد 366 ميلليون 700 مىڭ تەڭگەنىڭ ءونىمى ءوندىرىلىپ، 2015 جىلدىڭ تيىستە كەزەڭىمەن سالىستىرعاندا ناقتى كولەم يندەكسى 103,0 پايىزدى قۇراعان.

اعىمداعى جىلدىڭ جارتى شيرەگىندە الدىڭعى جىلمەن سالىستىرعاندا مال شارۋاشىلىعىندا ءوسىم 3,1 پايىزدى قۇراعان. ءىرى قارا مال شارۋاشىلىعىندا «سىباعا» باعدارلاماسى بويىنشا ناقتى 1036 (تاپسىرما 850) باسانالىق جانە 46 (تاپسىرما 39) باس اسىل تۇقىمدى بۇقا الىنىپ، تاپسىرما 121,9 پايىزعا ورىندالعان. «قۇلان» باعدارلاماسى 44 پايىزعا (تاپسىرما 250 باس اسىل تۇقىمدى جىلقى، ناقتى 110 اسىل تۇقىمدى جىلقى); «التىن اسىق» باعدارلاماسى 153,9 پايىزعا (تاپسىرما 1600 باس اسىل تۇقىمدى قوي، ناقتى 2 463 اسىل تۇقىم قوي) ورىندالدى. اۋداننان 2016 جىلى 36 بىرلىك 10-15 باستىق جانۇيالىق فەرمالار ىسكە قوسۋ تاپسىرىلىپ، 32 بىرلىك 10-15 باستىق جانۇيالىق فەرمالار ىسكە قوسىلعان. ءىرى قارا مالداردى قولدان ۇرىقتاندىرۋ باعىتىندا اعىمداعى جىلى جوسپارلانعان 7 348 باس ءىرى قارا مالدىڭ 7 369 باسى قولدان ۇرىقتاندىرىلىپ، تاپسىرما 100,3 پايىزعا ورىندالعان.

مامانداردىڭ ايتۋىنشا اۋداندا اۋىل شارۋاشىلىق ماقساتىنداعى جەرلەردىڭ جالپى كولەمى 193 682 گا قۇرايدى (ەگىستىك جەر كولەمى 91 146 گا، ونىڭ 40 587 گا جەرى ءتالىمى، 33 300 گا سۋارمالى، جايىلىم 101 107 گا، كوپجىلدىق قوندىرعىلار 1 429 گا، تىڭايعان جەر كولەمى 17 559 گا). 2016 جىلعا جاڭا تەحنيكا الۋ تاپسىرماسى 89,1 پايىزعا ورىندالىپ وتىر (تاپسىرما 55 جاڭا تەحنيكا، ناقتى 49 اۋىلشارۋاشىلىق تەحنيكاسى الىنعان).

اباي-اقپارات