جىل قورتىندىسى بويىنشا، قازىعۇرت اۋدانىندا  بيىل جىلىجاي كولەمى 90 گەكتارعا جەتتى. وسى ماۋسىمدا اتالعان جىلىجايدان قازىعۇرتتىق ديقاندار 19875 توننا كوكونىس، 4647 توننا باقشا داقىلدارىن جينادى.

تاۋلى ايماقتا جىلىجاي سالۋدا تۇرباتتىقتار وزىپ تۇر. سولاردىڭ ءبىرى «راحمات اتا» شارۋا قوجالىعى. ەل العىسىنا بولەنگەن ۇجىم 20 ازاماتتى جۇمىسپەن قامتىپ وتىر. سەرىكتەستىك 1,6 گەكتار جەردە «اتيا» قىزاناعى مەن «تۋمي» قيارىن ەگىپ، بۇگىندە ەكىنشى كەزەڭنىڭ داقىلدارىن جيناۋدا.

تۇربات اۋىلىنىڭ حالقى جىلىجاي شارۋاشىلىعىن دامىتۋعا بەيىمدەلگەن. جيىرما گەكتاردان استام جەردىڭ ءار گەكتارىنان 100 توننادان استام باۋ-باقشا داقىلدارىن جيناپ الىپ وتىر.

ايتا كەتكەن ءجون، بيىل اۋدان شارۋالارى وتاندىق ءونىمدى شىمكەنتتەن بولەك، الماتى، استانا قالالارىنا جونەلتتى.

قازىعۇرت اۋدانىنىڭ جانە ءبىر تۇرعىنى ب.مەلدەبەكوۆ «جىلىجاي» باعدارلاماسى بويىنشا نەسيەگە 12,5 ملن. تەڭگە الىپ، ءۇي جانىنداعى جىلىجايدى دامىتۋعا كىرىسكەن.

نەسيە قاراجاتىنا بەگىمجان كولەمى 0,12 گەكتار بولاتىن، قاجەتتى قۇرال-جابدىقتارمەن، جىلۋ جۇيەسىمەن قامتىلعان جىلىجاي ساتىپ الدى. جەتكىزۋشى كومپانيا جىلىجايدى «كىلتكە دەيىن» تاپسىردى. كەپىلدەمە رەتىندە كليەنت ءوز ءۇيىن، ءۇي ىرگەسىندەگى شارۋاشىلىق قۇرىلىستاردى، جەر ۋچاسكەسى مەن جىلىجايدى قويدى.

جوبانى جۇزەگە اسىرۋعا وڭتۇستىك كورەيالىق «KOREAGREENHOUSE CO LTD» كومپانياسىنىڭ تەحنولوگيالارى بويىنشا «Zero Max KZ» جشس ۇسىنعان قازاقستاندا شىعارىلاتىن قۇرال-جابدىقتار الىندى. ول – نەسيەلەۋ باعدارلاماسىنىڭ تالاپتارىنا باعاسى مەن جوعارى تەحنيكالىق سيپاتتامالارى جاعىنان دا سايكەس كەلەدى.

جىلىجاي ەكى قابات پلەنكامەن جابىلعان تسينكىلەنگەن مەتالل قاڭقادان، تامشىلاتىپ سۋارۋ، جەلدەتۋ جانە جىلۋ جۇيەلەرىنەن تۇرادى. جالپى، جىلىجايدىڭ قۇرىلىمى شاعىن مولشەرىنە قاراماستان - جيناعاندا وڭاي، مىقتى جانە تۇراقتى، ەكسترەمالدى جاعدايعا، ىلعال مەن كورروزياعا ءتوزىمدى ەتىپ جاسالىنعان.

ايتا كەتەيىك، وڭتۇستىك قازاقستان وبلىسى ەلىمىزدەگى ەڭ ءىرى اۋىل شارۋاشىلىعى ورتالىقتارىنىڭ ءبىرى بولىپ تابىلادى. سونىمەن قاتار، قازاقستانداعى جىلىجايلاردىڭ 87 پايىزى وسى ءبىزدىڭ وبلىستا ورنالاسقان. ولاردىڭ جالپى كولەمى 1 مىڭ گەكتاردان اسادى. 

اباي-اقپارات