جۋرناليستەر وداعى قايدا؟
وسى قازاقستان جۋرناليستەر وداعى بار ما، ءوزى؟ سەيىتقازى ماتاەۆتىڭ تاعدىرى جالپاق جۇرتقا ايان. بىراق، ءبىر تاڭقالارلىعى - قازاقستان جۋرناليستەر وداعى دەپ جۇرگەنىمىز جالعىز سەكەڭ ەكەن-اۋ. ماتاەۆ ءىستى بولعالى جۋرناليستەر وداعىنىڭ ءولى-ءتىرى ەكەنى بەلگىسىز.
ەلدە نەشە ءتۇرلى ءىس-شارالار ءوتتى: جىلداعى باق قىزمەتكەرلەرىنىڭ كۇنى، قازاقستان تاۋەلسىزدىگىنىڭ 25 جىلدىعى سياقتى مەرەكەلەردە باق قىزمەتكەرلەرىنىڭ ەڭبەگىنە باعا بەرىلەر ەدى. تىم-تىرىس.
توراعا ءىستى بولدى، بىراق قوعامدىق ۇيىمنىڭ جۇمىس اتقاراتىن ورگانى بولۋى كەرەك ەمەس پە؟ توراعانىڭ مىندەتىن ۋاقىتشا اتقاراتىن نەمەسە توراعانىڭ ورىنباسارى، حاتشىسى دەگەندەي لاۋازىمدارى جوق بۇل نە دەگەن وداق؟
جۋرناليستەر وداعى دەپ قوپاقارداي عىپ جۇرگەنىمىز، جالعىز ماتاەۆ ەكەن عوي.
بۇكىل قازاقستان بويىنشا ءمۇيىزى قاراعايداي بولىپ جۇرگەن جۋرناليستەردىڭ سەركەلەرىنىڭ نەگە ءۇنى ءوشىپ قالدى؟ بىردە - بىرەۋىنىڭ باس كوتەرىپ، وۋ، ماتاەۆ تۇرمەدە، قالعانىمىز بوستاندىقتامىز، تىرلىگىمىزدى نەگە جاسامايمىز دەمەۋى قالاي؟
ءتىپتى ماتاەۆقا قاتىستى قازاقستان جۋرناليستەر وداعىنىڭ كوزقاراسى دا بەلگىسىز بولىپ قالدى ەمەس پە؟ سايىپ كەلگەندە، قازاقستان جۋرناليستەرى جالتاق، قورقاق، بەيشارا بولعانى. ايتپەسە، بيلىكتەن پارمەن كۇتىپ، بۇقپانتايلاپ جاتقانى نەسى؟ نەگە جاڭا توراعاسىن سايلاپ، جۇمىسىن جالعاستىرمايدى؟
مەنىڭشە، قازاق جۋرناليستەرىنىڭ سورلىلىعى وسى جەردە تاعى ءبىر كورىنىپ قالدى.
تۋرابي ۇشقاراەۆ، قوعامدىق ءتىلشى
Abai.kz
