وقو-دا اۋداندارمەن قالىسپاي، شىمكەنت قالاسى دا اۋىلشارۋاشىلىعى سالاسىنا ەرەكشە كوڭىل ءبولىپ كەلەدى، - دەپ حابارلايدى اباي-اقپارات.

شىمكەنت قالاسىنىڭ اۋىلشارۋاشىلىعى ماقساتىنداعى جەرى 63196 گا، ونىڭ ىشىندە ەگىستىك جەر 431 مىڭ گا، جايىلىم 20016 گا، شابىندىق 243 گا، باۋ جانە كوپجىلدىق ەكپەلەر 937 گا قۇرايدى. اكىمشىلىك اۋماقتىق شەكارانىڭ وزگەرۋىنە بايلانىستى 3,5 مىڭنان اسا اگروقۇرىلىم قوسىلىپ، بۇگىنگى تاڭدا قالا بويىنشا بارلىعى 4152 اۋىلشارۋاشىلىعى تاۋار وندىرۋشىلەرى ەڭبەك ەتۋدە.

اتالعان شارۋاشىلىقتارعا قازىرگى تاڭدا ۇكىمەت تاراپىنان وتە ۇلكەن قولداۋ كورسەتىلۋدە. اتاپ ايتساق، كوكتەمگى جانە كۇزگى ەگىستى ەگىپ، جيناۋعا جەڭىلدەتىلگەن باعامەن جانار-جاعارماي، مينەرالدى تىڭايتقىش، گەربيتسيدتەر بەرىلۋدە جانە اشىق توپىراقتا ەگىلگەن ەگىس، كوكونىس، ءداندى جانە مايلى داقىلدارعا (ارپا، ماقسارى، جوڭىشقا، داندىك جۇگەرى) باۋ، ءجۇزىم، جىلىجاي، (فەرمەرلىك، ونەركاسىپتىك) كەشەندەرىنە جانە اسىل تۇقىمدى مال شارۋاشىلىعىنا سۋبسيديا بەرىلۋدە. بۇل دەگەن اگروقۇرىلىمدارعا ۇلكەن قولداۋ بولىپ تۇر.

وسىنداي قولداۋدىڭ اسەرىنەن بۇگىنگى تاڭدا اۋىلشارۋاشىلىعىمەن اينالىسۋعا قىزىعۋشىلىق ءبىلدىرىپ جاتقان كاسىپكەرلەردىڭ سانى ارتۋدا. ماسەلەن، شىمكەنت قالاسىندا 2015 جىلى 6 شارۋاقوجالىق جارتىلاي قارقىندى باۋ ەكتى. «جۇلدىز» شارۋا قوجالىعى 5,2 گەكتارعا قارقىندى باۋ وتىرعىزىپ، قالا اۋماعىنداعى باۋدىڭ كولەمى 72 گەكتارعا جەتكىزىلدى جانە 6 شارۋاشىلىق 10,9 گەكتارعا جىلىجاي شىمكەنت قالاسىندا جىلىجايلار كولەمى 125,5 گا جەتكىزىلگەن بولسا، وزىق تەحنولوگيالار بويىنشا جۇمىس جاساپ جاتقان 28,34 گەكتار ونەركاسىپتىك تيپتەگى جىلىجايلار بار. بۇل بارلىق جىلىجايلاردىڭ 22,6% قۇرايدى. بۇدان تىس 465,6 تن تۇقىم لابوراتوريالىق تەكسەرۋدەن وتكىزىلىپ، 3975 گا ەگىستىك القابى ساقتاندىرىلدى. ديقانداردىڭ تابىسقا جەتۋىنە داقىلداردى ەگۋدىڭ تەرەڭ قوپسىتۋ مەن تامشىلاتىپ سۋعارۋ ادىستەرىن ەندىرۋ كوپتەگەن سەپتىگىن تيگىزۋدە. جىل باسىنان بەرى 109 گا جەرگە تامشىلاتىپ سۋعارۋ ءادىسى ەندىرىلىپ، تەرەڭ قوپسىتۋ تەحنولوگياسىمەن 2,1 مىڭ گا جەر وڭدەلدى.

ناتيجەسىندە اۋىلشارۋاشىلىعى داقىلدارىنىڭ مەجەلەنگەن ەگىس كولەمى ورىندالىپ، ەگىستىك القاپتارىنىڭ تولىق يگەرىلۋى قامتاماسىز ەتىلدى.

اتاپ ايتقاندا، شىمكەنت قالاسىنا 36,0 مىڭ گەكتار جەردى يگەرۋ تاپسىرماسى بەلگىلەنسە، قازىرگى تاڭدا جەردى يگەرۋ جۇمىستارى جۇرگىزىلۋدە.

«وڭتۇستىك قازاقستان وبلىسى مال شارۋاشىلىعىن دامىتۋعا 2014-2016 جىلدارعا ارنالعان باعدارلاماسى» اياسىندا 2015 جىلى شىمكەنت قالاسىندا:

1) 37 شاعىن مال بورداقىلاۋ الاڭشالارى اشىلىپ، ونىڭ ىشىندە، 15 الاڭشا جەڭىلدەتىلگەن پايىزدىق مولشەرلى نەسيە ارقىلى اشىلدى.

2) 15 شاعىن جانۇيالىق ءسۇت فەرما اشىلدى. ونىڭ ىشىندە، 1 فەرما جەڭىلدەتىلگەن پايىزدىق مولشەرلى نەسيە ارقىلى اشىلدى.

3) ءوز قارجىسىنا 2 ءسۇت قابىلداۋ بەكەتى اشىلدى.

وبلىستا مال شارۋاشىلىعىن دامىتۋ شارالارىنىڭ 2014-2016 جىلدارعا ارنالعان ءىس-شارا جوسپارىن ىسكە اسىرۋ ماقساتىندا جەكە تۇلعالاردان وتىنىمدەر قابىلداۋ جۇمىستارى جۇرگىزىلدى. ءىس-شارا جوسپارىنىڭ نەگىزگى تالاپتارىن حالىققا جەتكىزۋ ماقساتىندا اباي، ەڭبەكشى، ءال-فارابي اۋدانى اكىمدىكتەرىمەن بىرلەسىپ، قالا اۋماعىنداعى بارلىق 40 ەلدىمەكەندە 3800 ادام قاتىسقان تۇسىندىرمە جينالىستار وتكىزىلىپ، ءىس-شارا جوسپارى جالعاسىن تابۋدا.

 اباي-اقپارات