ەلباسى تاپسىرماسىمەن، وڭىرلەردە اۋىل شارۋاشىلىعىن دامىتۋ باستى نازارعا الىنعان. وسى ماقساتتا «سىباعا»، «قۇلان»، «التىن اسىق» باعدارلامالارى قۇرىلىپ، ءوز ىستەرىن باستاپ كەتتى. اتالمىش باعدارلامالار وتباسىلىق كاسىپكەرلەر سانىن دا كوبەيتىپ جاتىر - دەپ حابارلايدى اباي-اقپارات.

بۇل باعدارلامالاردى تولىقتاي ىسكە اسىرسا، وندا ەلىمىزدەگى وڭىرلەردە اۋىل شارۋاشىلىعى وراسان زور دەڭگەيدە دامىپ، حالىقتىڭ ءال-اۋقاتى جاقسارادى. ەڭ باستىسى، سان ەمەس، ساپا بولادى. مىسالى، 5 سيىر بەرەتىن 50 ليتر ءسۇتتى «سىباعا» باعدارلاماسى بويىنشا الىنعان 1 اسىل تۇقىمدى سيىر بەرە الادى. ورداباسى اۋدانىندا شارۋا قوجالىقتارىنا نەسيەلەر بەرىلىپ، ديقاندارعا قولداۋ كورسەتىلۋدە.

مىسالى، شنۇ “ىرىس” جشس-گى ارقىلى 157,7 ملن.تەڭگە بەرىلگەن، ونىڭ ىشىندە 59,5 پايىزى ەگىن شارۋاشىلىعىنا، 1,9 پايىزى جىلىجايعا جانە 38,6 پايىزى مال شارۋاشىلىعىنا بەرىلىپتى. ال، “اۋىل شارۋاشىلىعىن قارجىلاي قولداۋ قورى” اق ارقىلى بەرىلگەن نەسيە كولەمى جالپى 157,8 ملن. تەڭگە، ونىڭ 3,8 پايىزى جول تاسىمالداۋ، 5,7 پايىزى جۇك تاسىمالداۋ، 3,8 پايىزى جىلىجايعا، 1,9 پايىزى كولىك جوندەۋ جانە 84,8 پايىزى مال شارۋاشىلىعىنا بولىنگەن. بيىلعى جىلدىڭ 6 ايىندا اۋىل شارۋاشىلىق سالاسىندا 9 ملرد. 366 ملن. 700 مىڭ تەڭگەنىڭ ءونىمى وندىرىلگەن. ال، مال شارۋاشىلىعىندا ءوسىم 3,1 پايىزدى قۇرادى.

تاراتا ايتساق، ءىرى قارا مال شارۋاشىلىعىندا «سىباعا» باعدارلاماسى بويىنشا تاپسىرما 121,9 پايىزعا، جىلقى باسىن كوبەيتۋدە «قۇلان» باعدارلاماسى بويىنشا 44 پايىزعا، اسىل تۇقىمدى قوي سانىن وسىرۋدە «التىن اسىق» باعدارلاماسى بويىنشا تاپسىرما 153,9 پايىزعا ورىندالعان. وتباسىلىق فەرمالار سانى كوبەيگەن. ءىرى قارا مالداردى قولدان ۇرىقتاندىرۋ باعىتىندا اعىمداعى جىلى جوسپارلانعان 7 348 ءىرى قارا مالدىڭ 7 369-ى قولدان ۇرىقتاندىرىلىپ، تاپسىرما 100,3 پايىزعا ورىندالىپتى. قۇس ءوسىرۋ ىسىندە دە ىلگەرىلەۋشىلىك بار.