جەلتوقسان ايىنىڭ قورىتىندىسى بويىنشا، قازىعۇرت اۋدانىنىڭ اكىمى وڭىردە اتقارىلعان شارۋالاردىڭ ەسەبىن جۇرگىزدى. اۋدان اكىمى تولەگەن تەلعاراەۆتىڭ ايتۋىنشا، بيىل وڭىردە قارجىلاندىرىلعان جوبالار جەتەرلىك.

- ەلدىڭ وسكەنىن اۋەلى وندا قونىستانعان حالىق سانىنان بىلەسىڭ، - دەيدى وڭتۇستىك قازاقستان وبلىسى، قازىعۇرت اۋدانىنىڭ  اكىمى  تولەگەن تەلعاراەۆ.

– نۇح پايعامباردىڭ كەمەسى توقتاپ، ادامزات بالاسى قايتادان ءوسىپ-ونگەن وڭىردە  دەموگرافيالىق ءوسىم بايقالادى. تاۋەلسىزدىك جىلدارىمەن سالىستىرعاندا ادام سانى 110 مىڭعا جەتىپ وتىر. ال، بيۋدجەت كولەمى ازاتتىقتىڭ اق تاڭى اتقان كۇننەن 115 ەسەگە كوپ. جەتەكشى سالالار جەتىستىككە تولى. اۋدان اكىمى تولەگەن تەلعاراەۆ اۋىلشارۋاشىلىعى بويىنشا قازىعۇرت اۋدانىنىڭ الدىڭعى شەپتە تۇرعانىن ايتادى.

- ەگىستىك كولەمى ۇلعايدى. بيىل مول ءونىم جينادىق. تابىسىمىز 74.2 ملرد تەڭگەگە جەتتى. قازىعۇرتتاعى 64 ەلدىمەكەننىڭ 42-سىنە اۋىز سۋ قۇبىرى تارتىلدى، كوگىلدىر وتىنمەن قامتۋ ءىسى 65.6 پايىزدى قۇرادى. جولدار جوندەلدى. كوپىرلەر سالىندى. داقىلدىڭ ورتاشا ءتۇسىمى جىلداعىدان 20% جوعارىلادى. ءۇيد باعدارلاماسىنىڭ شاراپاتى ايماقتا انىق سەزىلەدى. 7 جوبا ماقۇلدانىپ، تورتەۋى ىسكە استى. «لوتۋس فۋد كومپاني للس» - تەز ازىرلەنەتىن تاعامدار زاۋىتى سونىڭ ايعاعى. بيىلعى جىلى 722.7 ملن تەڭگەلىك 2 جوبا يندۋستريالاندىرۋ كارتاسىنا ەنگىزىلدى. اۋداندا شىعارىلعان ءونىم جانە كورسەتىلگەن قىزمەت پەن جۇمىس كولەمدەرى 1991-جىلمەن سالىستىرعاندا، 51 ەسەگە ارتقان. تامشىلاتىپ سۋارۋ تەحنولوگياسىن ەنگىزۋدىڭ جالپى كولەمى 2384 گا جەتتى. سول سياقتى ەگىس كولەمى دە ەسەلەندى. بۇل ەلباسىنىڭ حالىققا جاعداي جاساۋ قاجەت دەگەن مىندەتتەمەسىنەن كەيىن نىقتاپ ورىندالعان جوسپارلار. اۋىز تولتىرىپ ايتار جاڭالىقتار كوپ بولعانمەن، توقمەيىلسۋگە بولمايدى، -دەيدى  اۋدان اكىمى ت.تەلعاراەۆ.

 اباي-اقپارات