وڭتۇستىك قازاقستان وبلىسىندا تۇلكىباس اۋدانى اۋىل شارۋاشىلىعى جاعىنان قارقىندى دامىپ كەلە جاتقان اۋدانداردىڭ ءبىرى. جىلدىڭ قورىتىندىسى بويىنشا،  اۋداندا اۋىل شارۋاشىلىق تەحنيكالارى جاڭارتىلىپ،  شارۋا قوجالىقتار مەن كووپەراتيۆتەر بىرىكتىرىلۋدە. وسى باعىتتاعى اتقارىلىپ جاتقان جۇمىستارمەن تانىسقان اۋدان اكىمى ق.ابدۋاليەۆ جۋىردا شارۋا قوجالىقتارىندا بولىپ، قوجالىق يەلەرىمەن كەزدەستى.

وندا ول سالانى ودان ءارى جانداندىرۋ ماقساتىندا زامان تالابىنا ساي جاڭا تەحنيكالارمەن جابدىقتالعان ستانتسيا قۇرۋ ماسەلەسى قولعا الىنعانىن ايتىپ، بۇگىندە اۋداننىڭ ءۇش ايماعىندا ماشينا تراكتور ستانتسياسى قۇرىلىپ، ء  وز جۇمىسىن جۇرگىزىپ كەلە جاتقانىن جەتكىزدى. جاڭادان قۇرىلعان ستانتسيا تۇلكىباس اۋدانىنا قاراستى كووپەراتيۆتەرمەن شارۋا قوجالىقتاردىڭ  ەگىستىكتەگى جەرىن اۋدارۋ، ەگۋ، جيناۋ تاعى باسقادا جۇمىستارىن جۇرگىزەتىن بولادى.  جالپى اۋداندا 1455 بىرلىك اۋىل شارۋاشىلىعى تەحنيكالارى بار. شارۋالارمەن كەزدەسۋ بارىسىندا اۋدان باسشىسى تەحنيكالاردىڭ الداعى كوكتەمدە بولاتىن جەر جىرتۋ ناۋقانىنا دايىندىعىن پىسىقتادى.

بۇگىندە اۋدان قىستاعى قىرۋار شارۋا مەن كوكتەمگى جەر جىرتۋ، ەگىن ەگىۋ ناۋقانىنا تولىققاندى دايىن دەيدى Abai.kz اقپاراتتىق پورتالىنىڭ تىلىشىسىمەن حابارلاسقان تۇلكىباس اۋدانى اۋىلشارۋاشىلىعى باسقاراماسىنىڭ وكىلى. توقسانىنشى جىلدارى سوقاسىن سۇيرەتىپ قالعان تراكتورلار قازىر وسىلايشا اۋلدى جەرلەردە دە جاڭارتىلىپ، جاڭاشا جابدىقتالىپ جاتىر.

اباي-اقپارات