وقو-دا اۋىلشارۋاشىلىعىن دامىتۋ ماقساتىندا كۇرىش ءوسىرۋ ىسىنە ەرەكشە كوڭىل بولىنبەك. جەلتوقسان ايىنداعى مالىمەتتەرگە سۇيەنسەك، وڭتۇستىك قازاقستان وبلىسى بويىنشا كەلەر جىلى كۇرىش ەگۋشى شارۋالارعا گەكتارىنا 30 مىڭ تەڭگە سۋبسيديا ءبولۋ جوسپارلانىپ وتىر، - دەپ حابارلايدى اباي-اقپارات وقو اكىمدىگىنىڭ ءباسپاسوز قىزمەتىنە سىلتەمە جاساپ.

وڭتۇستىك قازاقستان وبلىسىندا كۇرىش شارۋاشىلىعى قارقىندى دامىپ كەلەدى. ءوڭىر ديقاندارى سوڭعى جىلدارى كۇرىشتەن جاقسى ءونىم الۋدا. بيىلعى جىلى وبلىس بويىنشا كۇرىش ورۋ جۇمىستارى قارقىندى جۇرگىزىلدى.

وبلىستا كۇرىش ەگىنىمەن  ماقتارال جانە شاردارا اۋداندارى اينالىسادى. سونىڭ ىشىندە ماقتارال اۋدانىندا جىلىنا 3000 گەكتارعا جۋىق القاپقا كۇرىش ەگىلەدى. ءار گەكتاردان شامامەن 56 تسەنتنەر كۇرىش الىندى. ال، شاردارا اۋدانىندا 1500-گە جۋىق گەكتار القاپقا  كۇرىش  ەگىلىپ كەلەدى. جالپى ءونىمنىڭ تۇسىمدىلىگى ءار گەكتاردان 60 تسەنتنەردى قۇرايدى.

بيىل وقو-عا ارنايى كەلگەن ۆەتنام ەلشىسى ءوڭىرىمىزدىڭ ينۆەستيتسيالىق الەۋەتىنىڭ جاقسارعانىن ايتىپ، اسىرەسە، اۋىل شارۋاشىلىعىنداعى جەتىستىكتەردى وڭ باعالادى. كۇرىش ءونىمىن ەكسپورتتاۋدان الەم بويىنشا كوش باستايتىن مەملەكەت وكىلدەرى كۇنگەي شارۋالارىن ۆەتنامدىق كۇرىش ءوسىرۋدىڭ تىڭ تاسىلدەرى بويىنشا تاجىريبە الماسۋعا شاقىردى. وڭتۇستىك ولكەسىمەن اۋا رايى ۇقساس كەلەتىن ەلگە الداعى ۋاقىتتا ءبىزدىڭ كاسىپكەرلەر باراتىن بولىپ ۋاعدالاستى.

اباي-اقپارات