وقو-دا ونەركاسىپتىك ۇلگىدەگى تامشىلاتىپ سۋعارۋ جۇيەسىن قولدانىپ وسىرىلگەن جۇگەرىنىڭ گەكتارىنا 80 مىڭ تەڭگە سۋبسيديا بولەدى، - دەپ حابارلايدى اباي-اقپارات وقو اكىمدىگىنىڭ ءباسپاسوز قىزمەتىنە سىلتەمە جاساپ.

وقو-دا ونەركاسىپتىك ۇلگىدەگى تامشىلاتىپ سۋعارۋ جۇيەسىن قولدانىپ وسىرىلگەن جۇگەرىنىڭ گەكتارىنا 80 مىڭ تەڭگە سۋبسيديا بولەدى. بۋل قر اشم-ءىڭ «باسىم داقىلدار ءوندىرۋدى سۋبسيديالاۋ ارقىلى وسىمدىك شارۋاشىلىعىنىڭ شىعىمدىلىعىن جانە ءونىم ساپاسىن ارتتىرۋدى، جانار-جاعارماي ماتەريالدارىنىڭ جانە كوكتەمگى ەگىس پەن ەگىن جيناۋ جۇمىستارىن جۇرگىزۋ ءۇشىن قاجەتتى باسقا دا تاۋارلىق-ماتەريالدىق قۇندىلىقتاردىڭ قۇنىن جانە اۋىل شارۋاشىلىعى داقىلدارىن قورعالعان توپىراقتا وڭدەپ ءوسىرۋ شىعىندارىنىڭ قۇنىن سۋبسيديالاۋ قاعيدالارىن بەكىتۋ تۋرالى» بۇيرىعى بويىنشا جۇزەگە اسىرىلادى. 

ونەركاسىپتىك ۇلگىدەگى تامشىلاتىپ سۋعارۋ جۇيەسىن قولدانىپ وسىرىلگەن جۇگەرىگە بولىنگەن اقشا قاراپايىم داندىك جۇگەرىگە بولىنەتىن قارجىدان ەكى جارىم ەسەدەن ارتىق. داندىك جۇگەرىنىڭ ءار گەكتارىنا 25 مىڭ تەڭگە ءبولۋ قاراستىرىلعان.

ونەركاسىپتىك ۇلگىدەگى تامشىلاتىپ سۋعارۋ جۇيەسى وسىمدىك شارۋاشىلىعى ءونىمىنىڭ شىعىمدىلىعى مەن ساپاسىن ارتتىرۋعا سەپتىگىن تيگىزەدى. 

شەت مەملەكەتتەردە وسىمدىكتەردى تامشىلاتىپ سۋارۋ ادىسىمەن جىلىجايلاردا، سونداي-اق اسپالى باقتاردا ءوسىرۋ ءتاسىلى كەڭ قولدانىستا. تامشىلاتىپ سۋارۋ – وسىمدىكتىڭ تامىرىنا سۋدى، تىڭايتقىشتاردى جانە وسىمدىكتەردى زيانكەستەردەن قورعايتىن اگروحيميالىق زاتتاردى ءدال ءارى بىركەلكى جەتكىزۋ ءۇشىن قولدانىلاتىن وندىرىستىك ءادىس. تامشىلاتىپ سۋارۋعا ارنالعان قۇبىرلار توپىراق ۇستىمەن نەمەسە استىمەن ورنالاستىرىلۋى مۇمكىن. سونىمەن قاتار، قۇبىرلار ارقىلى فەرتيگاتسيا ءادىسىن، ياعني تىڭايتقىشتاردى سۋعا قوسىپ قولدانۋعا دا بولادى. سۋارۋدىڭ مۇنداي ءتۇرى تىڭايتقىشتى دا، سۋدى دا قاجەت مولشەردە پايدالانۋعا مۇمكىندىك بەرەدى، بۇل دەگەنىڭىز – سۋدى ۇنەمدەۋ.

اباي-اقپارات