"اگرو-ازيا" جشس-نىӊ ءونىمى يران، قىتاي ەلدەرىنە ەكسپورتتالاتىن بولادى, - دەپ حابارلايدى اباي-اقپارات وتىرار اۋدانىنىڭ اكىمدىگىنە سىلتەمە جاساپ.

"يندۋستريالاندىرۋ" اكتسياسى اياسىندا وӊتۇستىك قازاقستان وبلىسى وتىرار اۋدانىنىӊ تەمىر اۋىل وكرۋگىندە بيىل "اگرو-ازيا" جشس-نىӊ جۇگەرى وӊدەۋ، قۇراما جەم شىعارۋ كاسىپورىنى ىسكە قوسىلعان بولاتىن. بۇل كەشەننىӊ اشىلۋى اۋداندا جۇگەرى كلاستەرىن دامىتۋعا نەگىز بولماق.

بۇرىندارى ديحاندار جيناعان ونىمدەرىن ۇتىمدى باعاعا ساتا الماي، جاۋىن استىندا قالىپ، كەپتىرە الماي، الا جازداي ەتكەن ەӊبەگى زايا كەتەتىن. ەندى شارۋالارعا ونىمدەرىن ىسىراپسىز جيناپ الۋىنا جانە ءتيىمدى باعاعا وتكىزۋ مۇمكىندىك تۋىپ تۇر. كوپتەگەن شارۋالاردىӊ كەلەسى جىلى ەگىس كولەمىن ۇلعايتۋىنا مۇمكىندىك بار.

پايدالانۋعا بەرىلگەن كەشەننىӊ جالپى جوبا قۇنى 619 ملن تەӊگەنى قۇرايدى. 5 گا جەردى الىپ جاتقان كاسىپورىندا 16 ادام تۇراقتى جۇمىسپەن قامتىلعان. سىيىمدىلىعى 10 مىӊ توننالىق كەشەندە بولاشاقتا 17 ءتۇرلى ءونىم شىعارىپ، يران، قىتاي ەلدەرىنە ەكسپورتتالاتىن بولادى.

اۋداندا سونداي-اق، "وتىرار ءسۇت-ەت" ستك بار. كوكماردان اۋىلىندا ورنالاسقان وندىرىستىك كووپەراتيۆ ساپالى ەت پەن سۇتتەن بولەك، ەلىمىزدىӊ ءىرى قالالارىن "ماياقۇم" شۇباتىمەن قامتاماسىز ەتىپ وتىر. بۇگىندە كووپەراتيۆتە 700-گە جۋىق تۇيە، 88 باس سيىر بار. تاۋلىكتىك قۋاتتىلىعى - 1,25 توننا شۇبات، 900 ليتر ءسۇت وندىرەدى. كووپەراتيۆكە 67 شارۋا قوجالىق مۇشە. بولاشاقتا ەت پەن ءسۇتتى تەرەӊ وӊدەۋدى جوسپارلاپ وتىر. وندىرىلگەن ونىمدەر 6 وبلىس پەن الماتى، استانا قالالارىنا جەتكىزىلىپ، تۇرعىندارعا ۇسىنىلۋدا.

اباي-اقپارات