اۋىل شارۋاشىلىعى داقىلدارىن ەگۋدى گەكتارلىق سۋبسيديالاۋ داقىل تۇرىنە بايلانىستى جۇزەگە اسىرىلادى، - دەپ حابارلايدى اباي-اقپارات. ماسەلەن، وقو-دا داندىك جۇگەرى ءۇشىن گەكتارىنا 25 000 تەڭگە بولىنگەن.

قر اگروونەركاسىپتىك كەشەنى سۋبەكتىلەرىنىڭ باسەكەگە قابىلەتتىلىگىن ارتتىرۋ ءۇشىن جاعدايلار جاساۋ ماقساتىندا «اگروبيزنەس 2020» باعدارلاماسى قۇرىلعانى بەلگىلى. 2013-2020 جىلدارعا ارنالعان مەملەكەتتىك باعدارلاما سالانى قولداۋ ماقساتىندا ءتۇرلى باعىتتاردى قامتيدى. سونىڭ ىشىندە داندىك جۇگەرى ءوسىرۋ باستى نازاردا بولماق.

ماسەلەن، وڭتۇستىك قازاقستان وبلىسىنداعى وتىرار اۋدانى قارعالى اۋىلىندا «وتىرار ءدان» جشس 2011 جىلدان بەرى جۇگەرى جانە باۋ-باقشا ەگۋمەن اينالىسىپ كەلەدى. بيىلعى جىلى جەكە شارۋا قوجالىق 220 گەكتار جەرگە جۇگەرى، 100 گەكتارىنا باۋ-باقشا ەگىپ، جاقسى ءونىم الدى.

ءالىمحان باۋىرجان، «وتىرار ءدان» جشس توراعاسى: 

– جەرمەن اينالىسقانىمىزعا ءبىراز ۋاقىت بولدى. دەگەنمەن سوڭعى 5 جىلدان بەرى جەكە شارۋاشىلىق قۇرىپ، كاسىبي تۇردە جۇگەرى ەگۋدى قولعا الدىق. وتىرار اۋدانىندا 712 گەكتار ەگىستىك جەرىمىز بار. جەردەن جاقسى ءونىم الۋ ءۇشىن ارينە، ەرىنبەي ەڭبەك ەتۋ كەرەك. وسىدان بىرنەشە جىل بۇرىن مەملەكەتتەن سۋبسيديا الدىق. وسى قارجىعا جۇگەرىنى كەپتىرىپ، ساقتايتىن كەشەن سالدىق. جۇگەرىنى كەپتىرەتىن ارنايى قۇرىلعى قاجەت بولدى. مەملەكەتتىك باعدارلامانىڭ ارقاسىندا قۇرىلعى قۇنىنىڭ 20 پايىزىن سۋبسيديا رەتىندە الدىق. بيىلعى جىلى قاجىرلى ەڭبەگىمىزدىڭ ارقاسىندا جۇگەرىدەن گەكتارىنا 100 تسەنتنەر ءونىپ الىپ جاتىرمىز. قىس بويى جۇگەرى ارنايى كەشەندە ساقتالادى، كوكتەمدە ساۋداعا شىعارامىز. جۇگەرىنى ساتىپ الۋشىلارمەن الدىن الا كەلىسىمشار جاساسامىز». جەكە كاسىپكەرلەرگە، ءبىز سەكىلدى جەر يگەرگەن شارۋا قوجالىقتارىنا اكىمدىكتىڭ، مەملەكەتتىڭ تيگىزىپ جاتقان كومەگى، پايداسى وراسان.

«وتىرار ءدان» جشس توراعاسىنىڭ ايتۋىنشا، ولار اۋدان حالقىن جۇگەرى مەن باۋ-باقشا ونىمدەرىمەن قامتىپ وتىر. بۇگىندە شارۋا قوجالىقتا ونداعان جەرگىلىكتى تۇرعىندار جۇمىس ىستەيدى.

اباي-اقپارات