قازاقستان بويىنشا ازىق-تۇلىككە قاتىستى جۇرگىزىلگەن ماركەتينگتىك تالداۋ نەگىزىندە قىس جانە كوكتەم مەزگىلىندە وتاندىق كوكونىستەردىڭ تاپشىلىعى سەزىلەتىنى جاسىرىن ەمەس. ال بۇل، ءوز كەزەگىندە، ەلىمىزدە جىلىجايلاردىڭ جەتىسپەۋشىلىگىن كورسەتەدى.

وسى ماسەلەنى شەشۋ جانە وبلىستا وندىرىستىك جىلىجايلاردى دامىتۋ ماقساتىندا «شىمكەنت» الەۋمەتتىك-كاسىپكەرلىك كورپوراتسياسى قالادا جىلىجاي كەشەندەرىن ءبىر ايماقتا ورناتۋ بويىنشا «جىلىجاي جۇماعى» يندۋستريالدىق ايماق» ينۆەستيتسيالىق جوباسىن قولعا الدى. جوبا اياسىندا شىمكەنتتەگى كولىك-لوگيستيكالىق ايماقتىڭ جانىنان 136 گا جەر تەلىمىن بەرۋ جانە سول جەر تەلىمدە ينفراقۇرىلىم جۇمىستارىن جۇرگىزۋ قاراستىرىلعان.

ايماقتا ارزان ءتاريفتى ەنەرگيا كوزدەرى قاراستىرىلىپ، بۇل ءوز كەزەگىندە كاسىبىن جۇرگىزەتىن شارۋالاردىڭ كاپيتالدىق جانە وپەراتسيالىق شىعىندارىنىڭ ازايۋىنا سەپ بولدى. سونىمەن قاتار، اگرو-يندۋستريالدىق ايماقتا جوعارى تەحنولوگيامەن جىلىجاي قۇرىلىسىن جۇرگىزەتىن كاسىپكەرگە بارلىق جاعداي جاسالدى.

مۇندا جىلىجاي شارۋاشىلىعىنا قوسالقى بولاتىن ءونىمدى cۇرىپتاۋ، بۋىپ-ءتۇيۋ، cاقتاۋ، قايتا وڭدەۋ نىساندارى مەن اكىمشىلىك-تۇرمىستىق كەشەن، ءونىمنىڭ قاۋىپسىزدىك جانە cاپا تالاپتارىنا سايكەستەندىرەتىن زەرتحانالار بار. ونەركاسىپتىك جىلىجايلاردىڭ ءبىر ايماقتا شوعىرلانۋى تاۋار پارتياسىنىڭ ۇلكەيۋىنە، ياعني، ۇيىمداسقان نارىققا ءتيىمدى شارتتا جەتكىزۋگە جاعداي تۋعىزادى. جانە فيۋچەرلىك كەلىسىم-شارتتار جاساسۋعا ، كۇنىنە 240-320 توننالىق نەمەسە قۇندىق ەسەپپەن جىلىنا 14 ملرد تەڭگەلىك مول تاۋارمەن قامتاماسىز ەتۋگە مۇمكىندىك بەرەدى.

بۇگىندە قۇنى 26 ملرد تەڭگەنى قۇرايتىن ىشكى ينفراقۇرىلىم قۇرىلىسىن قارجىلاندىرۋ ماقساتىندا شەتەلدىك ينۆەستورلارمەن كەلىسسوزدەر جۇرگىزىلدى. ناتيجەسىندە قىتايدىڭ «China SinoLight Corporation» كومپانياسى جوبانى قارجىلاندىرۋعا قىزىعۋشىلىق تانىتىپ وتىر.

جۇمىستاردى جۇزەگە اسىرۋ ماقساتىندا وقو-عا اتالعان كومپانيانىڭ باستاماسىمەن قىتاي ۇكىمەتىنىڭ وكىلدەرى مەن قىتاي دامۋ بانكى ماماندارى ءىس-ساپارلاپ كەلەدى دەپ جوسپارلانۋدا. اگروايماقتىڭ ينفراقۇرىلىم جۇمىستارى اياقتالعان سوڭ جەرگىلىكتى ينۆەستور ونداعى 40 گا جەرگە 25 ملرد تەڭگە قارجى قۇيۋعا دايىن.

اباي-اقپارات