وڭتۇستىك قازاقستان وبلىسىنا قاراستى سايرام اۋدانى بويىنشا جىل قورتىندىسىنا قاراعاندا، اۋدانىندا جالپى وڭىرلىك ءونىم كولەمى 44,6 ملرد تەڭگەنى قۇراپ، 3,8 پايىزعا ارتقان. جەلتوقسان ايىنداعى مالەمەتتەرگە سۇيەنسەك، جان باسىنا شاققانداعى جالپى وڭىرلىك ءونىم كولەمى 226,5 مىڭ تەڭگەگە جەتىپ، تارتىلعان ينۆەستيتسيا كولەمى 10,6 ملرد تەڭگەگە جەتكەن.

اۋدانداعى وڭدەۋ ونەركاسىبى سالاسىنداعى كاسىپورىنداردا 6 ملرد تەڭگەنىڭ ءونىمى ءوندىرىلىپ، ناقتى كولەم يندەكسى 102% قۇراعان. ەسەپتى كەزەڭدە «Golden Nomad» برەندىمەن ەرلەر كيىمىن شىعاراتىن كاسىپورىندا قوسىمشا 29 جۇمىس ورنى اشىلدى.

ودان بولەك «Stratus oil» جشس مۇناي ساقتاۋ جانە وڭدەۋ كەشەنىنىڭ ءبىرىنشى كەزەڭىن ىسكە اسىرىپ 35 جۇمىس ورنى اشتى. جالپى، اۋدان كولەمىندە يندۋستريالاندىرۋ كارتاسىنا ينۆەستيتسيا كولەمى 4 ملرد 825 ملن تەڭگەلىك 8 جوبا ەنگەن، ونىڭ 7 جوباسى ىسكە قوسىلىپ، ءونىم وندىرۋدەىلدى. اۋدانداعى 15006 شاعىن ورتا كاسىپكەرلىك سۋبەكتىلەرىندە 23962 ادام جۇمىس اتقارىپ، بيىلدىڭ 6 ايىندا 24,2 ملرد تەڭگەنىڭ ءونىمىن ءوندىردى. اۋىل شارۋاشىلىعى سالاسىندا وندىرىلگەن ءونىم كولەمى 9,4 ملرد تەڭگەنى قۇراپ، بىلتىردىڭ 6 ايىمەن سالىستىرعاندا 184 ملن تەڭگەگە ارتىپ وتىر، ناقتى كولەم يندەكسى 102% قۇرادى.

ەسەپتى كەزەڭدە 48,4 مىڭ گا ەگىستىك جەر يگەرىلىپ، جوسپار 112,3% ورىندالعان. تامشىلاتىپ سۋارۋ ءادىسى 132 گا ەندىرىلىپ، مەجە 22 پايىزعا ورىندالعان. جىلىجاي كولەمى 3,2 گا ارتىپ، جالپى كولەمى 13,8 گا جەتكەن.

«سىباعا» باعدارلاماسى بويىنشا 6 ايدا 292 باس مال الىنىپ، تاپسىرما 194,0% ورىندالعان.

ودان بولەك اۋداندا سىيىمدىلىعى 1500 باسقا ارنالعان 18 تاۋارلى ءسۇت فەرماسى بار. 181 مال بورداقىلاۋ الاڭى اشىلعان. بۇگىنگى تاڭدا ءسۇتتى 7380 باس، ەتتى 896 باس ءىرى قارا قولدان ۇرىقتاندىرىلىپ، جىلدىق تاپسىرما 48,3 پايىزعا ورىندالدى.

قۇرىلىس جۇمىستارىنىڭ كولەمى 12 ملرد تەڭگەنى قۇراپ، ءوسىم 1,8 ەسەگە ارتتى، 9641 شارشى مەتر تۇرعىن ءۇي ىسكە قوسىلىپ، بىلتىردىڭ سايكەس مەرزىمىمەن سالىستىرعاندا 1,3 ەسەگە ارتقان.

ءبىلىم بەرۋ سالاسىندا 2 ءبىلىم بەرۋ نىساندارىنىڭ قۇرىلىسىنا 364,2 ملن تەڭگە قارالىپ، قارابۇلاق اۋىلىنداعى 900 ورىندى جانە مانكەنت اۋىلىنداعى 600 ورىندى راشيدوۆ اتىنداعى ورتا مەكتەپتەرى سالىنىپ، پايدالانۋعا تاپسىرىلدى.

بۇدان بولەك ۇلتتىق قوردان 3 مەكتەپتىڭ قۇرىلىسىنا بارلىعى 850 ملن تەڭگە ءبولىنىپ، قازىرگى تاڭدا 2 مەكتەپتە قۇرىلىس جۇرۋدە. ال اۋداندىق بيۋدجەت ەسەبىنەن 2 ءبىلىم بەرۋ نىسانىنىڭ قۇرىلىسىنا 346,2 ملن تەڭگە قارالىپ، ونىڭ ىشىندە ماشات اتىنداعى جالپى ورتا مەكتەبىنىڭ قۇرىلىسى اياقتالىپ، مامىر ايىندا پايدالانۋعا تاپسىرىلدى. ال تلەنديەۆ اتىنداعى ورتا مەكتەپ قۇرىلىسىنىڭ مەملەكەتتىك ساتىپ الۋ بويىنشا جەڭىمپازى انىقتالىپ، ءتيىستى جۇمىستار جۇرگىزىلدى.

اباي-اقپارات