وڭتۇستىك قازاقستان وبلىسىنداعى «يفتيحاري» شق جىلىجايى 2 گەكتار اۋماقتى قۇرايدى. بۇگىندە جىلىجايدان جىلىنا 400 توننا قيار، 400 توننا قىزاناق ءونىمى الىنۋدا. جىلىجايدا 30 ادام جۇمىس جاسايدى، - دەپ حابارلايدى اباي-اقپارات. 

«وڭتۇستىكتىڭ شارۋالارى قياردى ءوندىرىپ، ونى 400-420 تەڭگەدەن نارىققا شىعارعانمەن، ەلىمىزدىڭ باسقا ايماقتارىنداعى ونىڭ ساۋدالانۋ باعاسى 800-900 تەڭگەنىڭ اينالاسىندا بولىپ جاتىر. ەسەپتەسەك، قياردى رەسپۋبليكامىزدىڭ وزگە وڭىرلەرىنە اپارۋ شىعىنى كوكونىس كەلىسىنە 20 تەڭگەدەن ءتۇسىپ وتىر. وندا نەگە باعا قىمبات؟ سەبەبى، اراداعى دەلدالدار مەن جول شىعىنى، باقىلاۋ بەكەتتەرىندەگى كەدەرگىلەر، سونىمەن بىرگە، ساۋداگەرلەردىڭ اراسىندا باسەكەلەستىكتىڭ جوقتىعى سىندى پروبلەمالار وسىنداي ولقىلىقتاردىڭ ورىن الۋىنا اكەپ سالۋدا. ال بۇل ماسەلەلەردى جالپى مەملەكەتتىك ورگاندار بىرلەسە شەشۋ قاجەت.

ماسەلەن، يندۋستريالاندىرۋ كارتاسى اياسىندا جۇزەگە اسىرىلعان «كازاگرونوم» جشس-گى وتكەن جىلى 520 توننا قيار ءونىمىن وندىرگەن. ونىڭ 50 تونناسىن رەسەيگە ەكسپورتتاسا، 100 تونناعا جۋىعىن وزگە ايماقتارعا جىبەرگەن. يسپانيالىق كومپانيانىڭ زاماناۋي جابدىقتارىمەن جابدىقتالعان جىلىجاي 50 ادامدى جۇمىسپەن قامتىپ وتىر. 

ال «يفتيحاري» شق جىلىجايى 2 گەكتار اۋماقتى قۇرايدى. بۇگىندە جىلىجايدان جىلىنا 400 توننا قيار، 400 توننا قىزاناق ءونىمى الىنۋدا. جىلىجايدا 30 ادام جۇمىس جاسايدى. 

ايتا كەتەيىك، سوڭعى جىلدارى وبلىسىمىزداعى اۋىل شارۋاشىلىعىنا وزىق تەحنولوگيالى قۇرىلعىلار كەڭىنەن ەنگىزىلىپ كەلەدى. ناتيجەسىندە، ءوڭىر بويىنشا بىلتىر قوسىمشا 115 گا جەرگە جىلىجاي سالىنىپ، ولاردىڭ كولەمى 1025 گا جەتتى. بۇل رەسپۋبليكاداعى كورسەتكىش ۇلەسىنىڭ 87%-ىن قۇرايدى.

اباي-اقپارات