بىلتىرعى جىلمەن سالىستىرعاندا بيىل وڭتۇستىك قازاقستان وبلىسىندا مال باسى ارتقان. بۇل تۋرالى «Abai.kz» پورتالى حابارلايدى.

2016 جىلدىڭ قورىتىندىسى بويىنشا وڭتۇستىك قازاقستان وبلىسى اگروونەركاسىپتىك كەشەنىنىڭ جەلتوقسان ايىنداعى مالىمەتتەرىنە سۇيەنسەك، ءوڭىردىڭ مال شارۋاشىلىعىندا ءتورت تۇلىك سانى بىلتىرعىمەن سالىستىرعاندا ايتارلىقتاي وسكەن. ناقتىلاپ ايتساق، ءىرى قارا مالدىڭ سانى 849,3 مىڭدى قۇرادى. بۇل جالپى ءوسىمنىڭ 4,3 %-ىن قۇرايدى.

ال وڭىردەگى ۇساق مالدىڭ ءوسىمى 2,2%-عا وسكەن. وبلىس كولەمى بويىنشا قوي مەن ەشكى سانى 3888,7  مىڭعا ارتقان. وڭتۇستىك قازاقستان وبلىسى ەلىمىزدىڭ اگروسەكتورىندا الدىڭعى وڭىرلەر ساناتىندا. وڭىردەگى شارۋالاردىڭ شاپشاڭ تىرلىگىنىڭ ناتيجەسىندە بيىل جىلقى شارۋاشىلىعى ايتارلىقتاي العا جىلجىعان. وڭىردەگى جەلتوقسان ايىنىڭ ەسەبى بويىنشا ءوسىم كولەمى 8,8%-عا جەتكەن. بۇل دەگەنىڭىز 232,3 مىڭدى قۇرايدى.

سونداي-اق، تۇيە شارۋاشىلىعى دا جولعا قويىلعان. بيىلعى جىلعى قورىتىندى بويىنشا شارۋاشىلىق ءوسىمى 3,0%-دى، 23,4 مىڭ  باستى قۇراعان.

وڭتۇستىك ءوڭىردىڭ شارۋالارى بىلتىردان بەرى قۇس شارۋاشىلىعىنا دەن قويا باستاعانىن حابارلاعان ەك. جىلدىڭ قورىتىندىسى بويىنشا وڭىردەگى قۇس باسى 98,2%-عا ارتىپ، 2415,2 مىڭعا جەتكەن.

وڭتۇستىك قازاقستان وبلىستىق اگروونەركاسىپتىك كەشەنى جۇرگىزگەن زەرتتەۋلەر بويىنشا شارۋالار جىلدى تابىستى قورىتىندىلاپ وتىر.

اباي-اقپارات