وڭتۇستىك قازاقستان وبلىسى شاردارادا اۋدانىندا 11 298 گا القاپقا ماقتا داقىلى تەرىلدى، - دەپ حابارلايدى اباي-اقپارات.

وڭتۇستىك قازاقستان وبلىسى رەسپۋبليكا بويىنشا ماقتا ەگۋمەن اينالىساتىن جالعىز وبلىس بولسا، سونىڭ ىشىندە شاردارا اۋدانىنىڭ ماقتا شارۋاشىلىعىنا قوسار ۇلەسى زور.

2016 جىلدىڭ جەلتوقسان ايىنداعى مالىمەتتەرگە سۇيەنسەك،  شاردارا اۋدانى بويىنشا بارلىق تەرىمگە تۇسەتىن جەر كولەمى 11298 گەكتارعا جەتكەن. كوكسۋ، ۇزىناتا جانە الاتاۋ باتىر اۋىلدىق وكرۋگتەرىندە ماقتا تەرىمى جىل سايىن قارقىندى تۇردە جۇرگىزىلەدى. تەرىمگە تۇسەتىن جەردىڭ 1790 گەكتارى دەفولياتسيادان وتكىزىلىپ، ماقتانى ماشينامەن تەرۋگە الدىن الا دايىندالعان. ماقتا تەرىمىنە قاتىسادى دەپ ەسەپكە الىنعان اۋىل شارۋاشىلىعى تەحنيكالارى دا الدىن الا تولىعىمەن تەكسەرۋدەن وتكىزىلىپ، ماقتا تەرىمى ۇلكەن جاۋاپكەرشىلىكپەن جۇرگىزىلدى. جىل وتكەن سايىن بۇل وڭىردە الىناتىن ماقتانىڭ كولەمى ارتىپ كەلە جاتقانى بايقالادى. اۋدان كولەمىندە 24 ماقتا قابىلداۋ پۋنكتتەرىنىڭ جان – جاقتى دايىندىق جۇمىستارى تەكسەرىلىپ (تارازى، زەرتحانا،) قابىلداۋ جۇمىستارىن جۇرگىزۋگە دە تولىعىمەن الدىن الا دايىندالعان. وسىنداي دايىندىق جۇمىستارىنىڭ ارقاسىندا بيىل بۇل ءوڭىر ماقتا تەرىمىن ابىرويمەن اياقتاعان.

ايتا كەتەر جايت، «اگروبيزنەس-2020» باعدارلاماسى اياسىندا شاردارا اۋدانى بويىنشا بيىل 11 298 گا ەگىستىككە ءشيتتى ماقتا سەبىلگەن. شاردارا اۋداندىق اۋىل شارۋاشىلىعى ءبولىمىنىڭ باسشىسى تالعات الىمقۇلدىڭ ايتۋىنشا، اۋداندا جالپى 64 مىڭ گا سۋارمالى جەر بار. بۇگىنگى تاڭدا 11 298 گا القاپقا ماقتا داقىلى ەگىلگەن بولسا الداعى ۋاقىتتا ونىڭ كولەمىن ەسەلەي ءتۇسۋ جوسپارلانىپ وتىر. جالپى جىلداعىدان قاراعاندا ماقتا باعاسى بيىل الدەقايدا جوعارى بولعان، 1 كگ ماقتانىڭ قۇنى 146 تەڭگە بولىپ بەلگىلەنگەن. ماقتانىڭ تۇسىمدىلىگى ءبىرىنشى تەرىمدە 20-25 تسەنتنەردەن اينالدى.

اباي-اقپارات