وقو بويىنشا، مال بورداقىلاۋ دا جاقسى جولعا قويىلعان. وبلىستا «جۇمىسپەن قامتۋ — 2020» باعدارلاماسى اياسىندا جەڭىلدەتىلگەن نەسيە الىپ، تىكەلەي ءوز كاسىبىن اشىپ، اينالىسىپ جاتقاندار بار. ماسەلەن، بايدىبەك اۋدانى، بورالداي اۋىلدىق وكرۋگىندە ازاماتتارعا جەكە كاسىپكەرلىگىن اشۋعا كومەكتەسىپ، تۇسىنىك جۇمىستارى جۇرگىزىلۋدە. اۋىلداعى  «جۇمىسپەن قامتۋ — 2020» باعدارلاماسىنىڭ وروىندالۋ بارىسى تۋرالى ايتا كەلىپ، بورالداي اۋىلدىق وكرۋگىنىڭ اكىمى ايتۋبەك راحىمبەتوۆ:

- بيىل 3 ميلليون تەڭگەگە دەيىن مال بورداقىلاۋ ماقساتىندا 18 ادام نەسيە الىپ، جۇمىس جاساپ جاتىر»، — دەيدى .

اۋىلدىق وكرۋگ اۋماعىندا 15 ۇلتتىڭ وكىلى مەكەن ەتەدى. ۇلتارالىق تاتۋلىق ماسەلەسى وڭدى شەشىلگەن. اۋىل تىنىش. 48 وتباسى بار ءبىر عانا اۋىل تۇرعىندارىنان وزگەلەرى تازا اۋىزسۋمەن قامتىلعان.  

بورالداي اۋىلدىق وكرۋگىندە 1998 جىلدان باستاپ جۇمىس ىستەپ كەلە جاتقان «جەل تيمەس» اتتى وندىرىستىك كووپەراتيۆ بار. كووپەراتيۆ توراعاسى گاۋھاربەك مەيىرمانقۇلوۆ ونى 20 اعايىندى باس بىرىكتىرىپ قۇرعاندىعىن ايتادى. «نەگىزگى كاسىبىمىز — ەگىن سالاسى مەن مال شارۋاشىلىعى. 500 گەكتار ەگىستىك، تاعى وسىنشا جايىلىمدىق جەر بار. تەحنيكا جەتكىلىكتى. ءبىر وتار ۋاق مال ۇستايمىز. الداعى ۋاقىتتا مال باسىن تاعى كوبەيتسەك دەگەن جوسپارىمىز بار. كووپەراتيۆ مۇشەلەرى پاي ۇلەستەرىن الىپ وتىرادى، ال ناقتى جۇمىس ىستەيتىندەر 6 ادام. ناۋقان كەزىندە ۋاقىتشا جۇمىسپەن قامتىلاتىندار قاتارى 15-كە دەيىن جەتەدى»، — دەيدى گ.مەيىرمانقۇلوۆ.

Abai.kz