وقو اۋىلشارۋاشىلىعى ءۇشىن بيىلعى جىل جەمىستى بولدى. ماسەلەن، وقو، بايدىبەك اۋدانىنا قاراستى بورالداي اۋىلىندا تۇرعىنداردى جۇمىسپەن قامتىپ، كاسىپتەرى ارقىلى ناسىپتەرى بۇيىرىپ وتىرعان بىرنەشە نىساندار ورنالاسقان. وكرۋگتە 11580 ادام تۇرادى. 11 ەلدى مەكەندە 11 مەكتەپ، 10 فەلدشەرلىك-اكۋشەرلىك تىرەك حالىققا قىزمەت كورسەتەدى. تۇرعىنداردىڭ نەگىزگى اينالىساتىن كاسىبى — ەگىن مەن مال شارۋاشىلىعى. اتالعان اۋىلدىق وكۋرگتە 24 مىڭ گەكتاردىڭ ۇستىندە ەگىستىك جەر بولسا، سونىڭ 22 مىڭ گەكتارىنا بيداي، ارپا، ماقسارى سەكىلدى ەگىس ەگىلەدى. بيىل بيداي جاقسى ءونىم بەرىپ، گەكتارىنا 22 تسەنتنەردەن ءونىم جينالدى.

ەستەرىڭىزگە سالا كەتەيىك، اۋىل شارۋاشىلىعى سالاسىنىڭ جەتىستىكتەرى باياندالعان باس قوسۋدا وبلىس اكىمى جانسەيىت تۇيمەباەۆ بيىلعى جىلدىڭ ءوڭىر شارۋالارىنا بەرەكەلى بولعانىن اتاپ ءوتىپ، شارۋالارعا قۋانىشتى حابار رەتىندە كەلەر جىلعا 6 ملرد. 47 ملن. تەڭگە سۋبسيديا بولىنگەنىن جەتكىزگەن ەدى. «ەگىس كولەمى وتكەن جىلمەن سالىستىرعاندا 13 مىڭ گا ارتىپ، باقشا، كوكونىس، ماقتا، كارتوپ جانە جەمىس-جيدەك داقىلدارىنان مول ءونىم جينالدى. ءونىم كولەمىن، گەكتار تۇسىمدىلىگىن ارتتىرۋعا نەگىزىنەن شارۋاشىلىقتاردىڭ اگروتەحنولوگيالىق ءىس-شارالاردى دۇرىس جۇرگىزۋ مەن وندىرىسكە وزىق تەحنولوگيالاردى ەندىرۋگە بەت بۇرۋىنىڭ ناتيجەسىندە قول جەتكىزىپ وتىرعاندىعىمىزدى ماقتانا ايتۋىمىزعا بولادى. ونىڭ ىشىندە، تەرەڭ قوپسىتۋ تەحنولوگياسى، تامشىلاتىپ سۋعارۋ ءادىسى مەن جىلىجايلاردىڭ كولەمى بويىنشا رەسپۋبليكادا كوش باستاپ كەلەمىز»، - دەدى ايماق باسشىسى.

Abai.kz