وڭتۇستىك قازاقستان وبلىسىنا قاراستى ورداباسى اۋدانىندا اۋىلشارۋاشىلىق سەكتورى قارقىندى دامىپ كەلەدى. ءار جانۇيا وتباسىلىق كاسىپتىڭ كىلتىن شارۋاشىلىقتان تاپقان. بۇل تۋرالى «Abai.kz» پورتالى بىرنەشە مارتە جازعان بولاتىن.

وقو، ورداباسى اۋدانى، شۇبار اۋىلى ءسۇت فەرماسى مەن مال بورداقىلاۋ الاڭدارىن ۇيىمداستىرىپ جاتقان جايى بار. وڭتۇستىكتە ارنايى ساپارلاپ قايتقان «قازاقستان زامان» گازەتى شارۋالاردىڭ تىنىس-تىرشىلىگىمەن تانىسىپ قايتقان ەكەن.

گازەت تىلشىسىنە جانۇيالىق كاسىپتىڭ قىرى-سىرى تۋرالى ايتقان شۇبار اۋىلىنىڭ اكىمى قىدىرباي سەيىتقۇل: "الداعى ۋاقىتتا جانۇيالىق قۇس ءوسىرۋ بويىنشا تاعى ءۇش ازاماتتى وقىتىپ، نەسيە ماسەلەسى شەشىلسە، باستاما ءوز قولداۋىن تابادى دەگەن ويدامىز. وكرۋگ اۋماعىندا برولەر تاۋىقتارىن وسىرەتىن «قاينار قۇس» فابريكاسى بار. سول فابريكادان جەرگىلىكتى تۇرعىندار كوكتەمدە ارقايسىسىن 200 تەڭگەدەن بالاپان ساتىپ الىپ، ونى 35-40 كۇن باعىپ، قايتا فەرمانىڭ وزىنە ساتادى. اتالعان ۋاقىت ارالىعىندا بالاپان 5 كەلىدەن استام ءتىرى سالماق جينايدى. ونى فابريكاعا كەلىسىن 500 تەڭگەدەن وتكىزەدى. بىلايشا ايتقاندا، ءونىمدى وتكىزۋدە ماسەلە جوق. قاجەت بولسا، جەممەن قامتاماسىز ەتۋگە دە فابريكا جاردەم بەرەدى. ءوزارا كەلىسە السا، ۆەتەرينارلارى ءدارى ەگىپ كەتەدى. بۇل جەرگىلىكتى تۇرعىنداردىڭ قىزىعۋشىلىعىن تۋعىزۋدا", — دەيدى.

ايتا كەتەيىك، وڭتۇستىكتە شارۋالارعا قولداۋ كورسەتۋ ماقساتىندا بىرنەشە مەملەكەتتىك باعدارلامالار جۇزەگە اسىرىلىپ جاتىر.

Abai.kz