جىل سوڭىنا قاراي جۇرگىزىلەتىن ەسەپ، قورتىندىلار كەزەڭىندە وقو بيىلعى شارۋاشىلىق سالاسىنداعى تىڭ جاڭالىقتار دا نازارعا الىنادى. ماسەلەن، وقو، تۇركىستان قالالىق اكىمدىگىنە قاراستى قاراشىق اۋىلدىق وكرۋگىندەگى «تۇران» شارۋا قوجالىعىندا بولعان بيولوگيا عىلىمدارىنىڭ دوكتورى A.سۇلتانوۆ پەن اۋىل شارۋاشىلىعى عىلىمدارىنىڭ كانديداتى ءا.اليەۆ ماقتا سورتتاردىڭ ەرەكشەلىكتەرى تۋرالى اڭگىمەلەپ بەردى. ەرەكشەلىگى سول، بۇل ماقتا تالشىعىنىڭ ۇزىندىعى كادىمگى سۇرىپتاعى ماقتاعا قاراعاندا الدەقايدا جوعارى. ياعني، «تۇركىستان» ماقتاسىنىڭ تالشىعى 4-ۇلگىگە جاتادى. ماقتانىڭ بۇل ءتۇرى توقىما ونەركاسىبىندە كەڭىنەن پايدالانىلادى. ەندى تۇركىستاندىق كاسىپكەرلەر وڭتۇستىكتەگى توقىما كاسىپورىندارىن جەرگىلىكتى شيكىزاتپەن قامتۋعا تولىق كەپىلدىك بەرە الادى.

ايتا كەتەيىك، تۇركىستاندىق ماقتاشىلار بيىل 17 مىڭ توننا ءشيتتى ماقتا جينادى. قالا اكىمىنىڭ ورىنباسارى ت.مۇساەۆتىڭ ايتۋىنشا، تۇركىستاندا وتكەن جىلى 3500 گەكتار جەرگە ماقتا ەگىلسە، بيىل بۇل كورسەتكىش 6600 گەكتارعا ۇلعايعان. 

جالپى الەمدە جۇزگە جۋىق مەملەكەت ءوز جەرىندە ماقتا وسiرەدi, ولار نەگiزiنەن سۋبتروپيكالىق جانە تروپيكالىق كليماتتىق بەلدەۋدە ورنالاسقان. قازاقستان رەسپۋبليكاسى ونىڭ ىشىندە وقو ءوڭىرى ماقتا وندiرۋدە جەر شارىنداعى سولتۇستiك نۇكتەدە ورنالاسقان. سوندىقتان بiزدiڭ ەلiمiزدەگi ماقتا شارۋاشىلىعىندا بiرقاتار ەرەكشەلiكتەر بار. اتاپ ايتار بولساق، كەيبiر جىلدارى ماقتا پiسiپ ۇلگەرۋ ءۇشiن كۇن كوزiنiڭ جىلۋى جەتiسپەيدi, سوندىقتان ماقتانى دەفوليانتتار جاردەمiمەن جەتiلدiرۋگە تۋرا كەلەدi. وڭiردە ورتا تالشىقتى ماقتانى ءوسiرiپ باپتاۋدى ۇيرەنگەن فەرمەرلەر جوعارى ساپالى ءونiم وندiرەدi.

اباي-اقپارات