Aستانا. 7 قىركۇيەك. قازتاگ – «قازاقتەلەكوم» اق ابونەنتتەرگە الەۋمەتتىك پايدالى سايتتارعا تەگىن قوسىلۋ شارتتارىن وڭتايلاندىرۋعا دايىن، دەپ بايلانىس جانە اقپارات مينيسترلىگىنىڭ (بام) ءباسپاسوز قىزمەتى ءمالىم ەتتى.

ۆەدومستۆونىڭ سەيسەنبى كۇنى تاراتقان اقپاراتتىق بايانىندا حابارلانعانداي، بام باسشىسى اسقار جۇماعاليەۆ قازنەتتى دامىتۋ جونىندە كەڭەس وتكىزدى. وندا حوستينگتى دامىتۋ شارتتارىن جاقسارتۋ جونىندەگى ماسەلەلەر قاراستىرىلدى.

«بۇگىنگى كەزدەسۋ بارىسىندا «قازاقتەلەكوم» اق-نىڭ كوممەرتسيالىق ديرەكتورى اسقار ەسكەرگەنوۆ، كومپانيا، ابونەنتتەرگە «ينتەرنەت-ترافيكپەن الماسۋ ورتالىعى» قاۋىمداستىعىنا كىرەتىن كومپانيا الاڭىنداعى الەۋمەتتىك پايدالى سايتتارعا كىرۋدىڭ جەڭىلدەتىلگەن شارتتارىن بەرۋگە دايىن ەكەنىن جەتكىزدى»، - دەلىنگەن حاباردا.

وسىعان بايلانىستى ا. جۇماعاليەۆ مۇددەلى تاراپتارعا ونى ىسكە اسىرۋدى ۇزاققا سوزباي جانە جاقىن ارالىقتا پيلوتتىق سايتتاردى انىقتاپ، ۇسىنىستى ناقتى ىستە «شىڭداپ كورۋدى» ۇسىندى.

ودان باسقا، كەڭەس بارىسىندا، «قازكونتەنت» اق توراعاسى ازامات وماروۆ اعىمداعى جىلى 16-شى تامىزدا الما تۆ، ستس پەن بازيس-تەلەكوممەن بىرىڭعاي قازاقستاندىق ينتەرنەت-كەڭىستىكتى قۇرۋ جانە وعان نارىقتاعى باسقا دا ويىنشىلاردىڭ قوسىلۋ پەرسپەكتيۆاسى تۋرالى كەلىسىمشارتقا قول قويىلعانىن جەتكىزدى.

ونىڭ ايتۋىنشا، الەمدىك تاجىريبە وسىنداي شاعىن ينتەرنەت-پروۆايدەرلەردىڭ باستاماسىمەن پيرينگتىك قاتىناستار دامىپ وتىراتىنىن كورسەتەدى.