Aстана. 7 қыркүйек. ҚазТАГ – «Қазақтелеком» АҚ абоненттерге әлеуметтік пайдалы сайттарға тегін қосылу шарттарын оңтайландыруға дайын, деп байланыс және ақпарат министрлігінің (БАМ) баспасөз қызметі мәлім етті.

Ведомствоның сейсенбі күні таратқан ақпараттық баянында хабарланғандай, БАМ басшысы Асқар Жұмағалиев Қазнетті дамыту жөнінде кеңес өткізді. Онда хостингті дамыту шарттарын жақсарту жөніндегі мәселелер қарастырылды.

«Бүгінгі кездесу барысында «Қазақтелеком» АҚ-ның коммерциялық директоры Асқар Ескергенов, компания, абоненттерге «Интернет-трафикпен алмасу орталығы» қауымдастығына кіретін компания алаңындағы әлеуметтік пайдалы сайттарға кірудің жеңілдетілген шарттарын беруге дайын екенін жеткізді», - делінген хабарда.

Осыған байланысты А. Жұмағалиев мүдделі тараптарға оны іске асыруды ұзаққа созбай және жақын аралықта пилоттық сайттарды анықтап, ұсынысты нақты істе «шыңдап көруді» ұсынды.

Одан басқа, кеңес барысында, «Қазконтент» АҚ төрағасы Азамат Омаров ағымдағы жылы 16-шы тамызда Алма ТВ, СТС пен Базис-телекоммен бірыңғай қазақстандық интернет-кеңістікті құру және оған нарықтағы басқа да ойыншылардың қосылу перспективасы туралы келісімшартқа қол қойылғанын жеткізді.

Оның айтуынша, әлемдік тәжірибе осындай шағын интернет-провайдерлердің бастамасымен пирингтік қатынастар дамып отыратынын көрсетеді.