قاراشا ايىنىڭ سوڭىندا لوندوندا V حالىقارالىق “Open Eurasian Literature festival & Book forum” ادەبيەت فەستيۆالى اياسىندا ورازالى سابدەن مەن ابدىمالىك اشيروۆتىڭ “The Conceptual Strategy for Humankind's Survival in the XXI Century and Food Security” كىتابىنىڭ كورسەتىلىمى بولدى، بۇل كىتاپتا اۆتورلار ادامزاتتىڭ نازارىن XXI عاسىرداعى جاھاندىق ماسەلەلەرگە اۋدارىپ جانە ولاردى شەشۋدىڭ بىرەگەي باعدارلاماسىن ۇسىنادى.

بۇل اعىلشىن عىلىمي قوعامىندا ناعىز قولداۋ تاپتى. كىتاپتا نوبەل سىيلىعىنىڭ، سو-لاۋرەاتى، ۆاشينگتون اكادەمياسىنىڭ اكادەميگى س. تيماشەۆتىڭ پىكىرى بەرىلگەن. ۇلىبريتانيا كىتاپ باسپاسىنىڭ مالىمەتىندە اۆستراليا، جاڭا زەلانديا، كانادا، شۆەتسيا، نيدەرلاندى، دانيا، ۇلىبريتانيا جانە امەريكا ەلدەرىندە ساتىلۋدا. كىتاپ بۇكىل الەم بويىنشا 200-دەن استام توپ ۋنيۆەرسيتەتەرگە جىبەرىلدى. ەندىگى پرەزەنتاتسيا ستوكگولم ق.، شۆەتسيا وتۋگە جوسپارلاندى.

كىتاپتىڭ نەگىزگى يدەياسى, بولجاۋعا كەلمەيتىن ءۇشىنشى مىڭجىلدىقتىڭ اياسىندا: كليماتتىڭ جاھاندىق وزگەرۋى، ازىق-تۇلىك، سۋدىڭ جەتىسپەۋشىلىگى، تەرىس ەكولوگيالىق پروتسەستەر، الەمدىك ەكونوميكالىق داعدارىس جانە اسكەري جانە ساياسي قاقتىعىستار توبىرى – ءبارى دە، ادامزاتتىڭ بولاشاعى ءۇشىن الاڭداۋعا ءماجبۇر ەتەدى. ححI عاسىرداعى ادامزاتتىڭ ءومىر ءسۇرۋ ستراتەگياسىنىڭ كونتسەپتسياسى جانە ازىق-تۇلىك كاۋىپسىزدىگى كىتاپتا پوستيندۋستريالدى الەمدەگى جالپى ادامزات تسيۆيليزاتسياسىنىڭ 6 بازالىق ەلەمەنتكە: رۋحانيلىق، عىلىمي-تەحنيكالىق رەۆوليۋتسيا، ەكونوميكا جانە الەمدىك قاۋىپسىزدىك، ەكولوگيا، عارىشتى يگەرۋگە نەگىزدەلگەن پلانەتارلىق ءۇيىن قۇرۋ قاعيدالارى ازىرلەندى. و.سابدەن پروفەسسور ءا.اشيروۆپەن بىرگە ادامزات ءومىر سۇرۋىندەگى كۇردەلى ماسەلەلەردىڭ ءبىرى – الەمدە اشتىققا دۋشار بولعان 1,3 ميلليارد ادامدى ازىق-تۇلىكپەن قامتاماسىز ەتۋ ماسەلەسىن تاجىريبەلىك تۇرعىدا شەشەدى.

الەمدىك تاجىريبەدە العاش رەت اۆتورلارمەن ازىق-تۇلىكپەن قامتاماسىز ەتۋ ماسەلەسىنىڭ شەشۋ جولدارى مەن تاسىلدەرى تەرەڭىنەن جانە نەگىزدى تۇردە كورسەتىلدى، اتاپ ايتساق، ءتۇرلى داقىلداردىڭ شىعىمدىلىعىن ارتتىرۋ، اۋىل شارۋاشىلىعىنا كوسموگەوفيزيكالىق سيپاتتامالار كەشەنى قولدانىلعان جانە كۇننىڭ، ايدىڭ، جەردىڭ جانە باسقا دا كۇن جۇيەسىندەگى پلانەتالاردىڭ گراۆيتاتسيالىق ءورىس جانە كۇننەن پەريودتى تۇردە بولىنەتىن ەلەكتروماگنيتتى ءورىس وسىمدىكتەرىنىڭ ءبيوريتمىنىڭ، سونداي-اق، وسىمدىكتەر تۇقىمى ءبيوريتمىن قوسىمشا جاساندى ەلەكتروماگنيتتىك ساۋلەلەنۋىنىڭ ەسەلىك جيىلىگىنىڭ جۇيەلى اسەرى تۇسىندىرىلگەن. بۇل يننوۆاتسيالىق تەحنولوگيا سىناقتان ءساتتى ءوتىپ جانە دە جەتى (7) مەملەكەتكە ەنگىزىلدى.

زەرتتەۋ ناتيجەسى بويىنشا اكت، پاتەنت،كۋالاك جانە باسقا دا قاجەتتى قۇجاتتار بار. راديوجۇرگىزۋشى، پسيحولوگ الان كوكس: «پروفەسسور ورازالى سابدەننىڭ عىلىمي-زەرتتەۋى بارلىق دىندەر مەن ومىرلىك جولداردى قۇرمەتتەي وتىرىپ، ءبىزدىڭ ءومىر سۇرۋىمىزگە نەگىز بولاتىن رۋحاني دەڭگەيدەگى جاھاندىق بىرىگۋدىڭ قاجەتتىلىگىن كورسەتەدى». دجوزەف ساندەرس، MA Cantab, APAM, Dip. RAM.Guildhall School & Goldsmith’s College: «مەن و.سابدەننىڭ الەمنىڭ وركەندەۋى ءۇشىن كەڭ جانە جاقسى ويلاستىرىلعان «ۇلى جىبەك جولى» تۇجىرىمداماسى شەڭبەرىندە ورتالىق ازيا تاريحى مەن مادەنيەتىنىڭ شىعارماشىلىق ماڭىزدىلىعىن تانيتىندىعىنا وتە قۋانىشتىمىن. مەنى ونىڭ ءوپتيميزمى جىگەرلەندىرەدى». ورتا ازيا بەلگىلى عالىمدارى الەمنىڭ دامۋىنا جاڭا كوزقاراسپەن قاراپ، يننوۆاتسيالىق سەرپىن بەرىپ، ادامزات وركەنيەتىنىڭ دامۋ پەرسپەكتيۆالارىنا الەۋمەتتىك-ەكونوميكالىق تالداۋ جاساۋعا شاقىرادى. يدەياسى: الەمنىڭ دامۋىنا بارلىق حالىقتىڭ جانە جەكە تۇلعانىڭ مۇمكىندىكتەرىن تولىق پايدالانۋ!

Abai.kz