ن.نازارباەۆ ۇلت جوسپارىندا "اشىق ۇكىمەت" جوباسىن قۇرۋدى تاپسىرعان بولاتىن. جاڭا جوبانىڭ ماقساتى  مەملەكەتتىك قىزمەت كورسەتۋ ساپاسىن جاقسارتۋ بولىپ تابىلادى. بۇل تۋرالى «rgmedia.kz» سايتى حابارلايدى.

 وسى ورايدا ەندى اسكەردەن ورالعان ساربازدار اسكەري بيلەتتى جەرگىلىكتى قورعانىس ىستەر بولىمىنەن عانا ەمەس حقكو-نان دا الۋلارىنا بولادى. زاپاستاعى ساربازدارعا، سەرجانتتارعا اسكەري بيلەتەر بەرۋ مەرزىمى 30 جۇمىس كۇنى. قۇجاتتار توپتاماسىن ازىرلەۋ ۋاقىتى 15 مينۋتتان اسپايدى. مەملەكەتتىك قىزمەت كورسەتۋ نىسانى قاعاز تۇرىندە. اسكەرگە شاقىرۋ كەيىنگە قالدىرىلعانىنا بايلانىستى اسكەري قىزمەت وتكەرمەگەن 27 جاسقا تولعاندارعا، باس بوستاندىعىنان ايىرۋ ورىندارىنان بوساتىلعاندارعا، ىشكى ىستەر، قارجى پوليتسياسى، قىلمىستىق-اتقارۋ جۇيەسى ورگاندارى وقۋ ورىندارىنىڭ جانە ورتكە قارسى قىزمەت ورگاندارى ءورت-تەحنيكالىق وقۋ ورىندارىنىڭ كۇندىزگى بولىمشەلەرىن بىتىرگەندەرگە، اسكەري-ەسەپتىك ماماندىقتارىن العان جانە اسكەري ەسەپكە قويۋعا جاتاتىن ايەلدەرگە، اسكەري قىزمەتتەن زاپاسقا شىعارىلعاندارعا، باسقا مەملەكەتتەردەن قازاقستان رەسپۋبليكاسىنا تۇراقتى تۇرۋعا كەلگەندەرگە، ەسكى ۇلگىدەگى اسكەري بيلەتتى جاڭاسىنا اۋىستىرعان كەزدە،  جوعالتۋ فاكتىسى ورىن الىپ جاتسا، قورعانىس مينيسترلىگىنىڭ مامانداندىرىلعان ۇيىمدارىندا اسكەري دايارلىقتان وتكەن ازاماتتار حقكو ارقىلى ءتيىستى  قۇجاتىن الۋعا ءوتىنىش بەرە الادى. ول ءۇشىن  جەكە كۋالىك، اسكەري قىزمەتكە جارامدىلىق دارەجەسى تۋرالى قورىتىندىسى بار مەديتسينالىق انىقتاما ءبىلىمى تۋرالى قۇجاتتىڭ تۇپنۇسقاسى جانە كوشىرمەسى; 3ح4 ەكى فوتو سۋرەتىن وزىمەن اكەلۋى شارت. قوسىمشا اقپاراتتى www.con.gov.kz سايتىنان جانە «حقكو» رمك الەۋمەتتىك جەلىلەردەگى رەسمي پاراقشالارىنان نەمەسە بىرىڭعاي بايلانىس ورتالىعىنىڭ «1414» تەلەفونى بويىنشا الۋعا بولادى.

ايتا كەتەيىك، اتالعان قىزمەت ءتۇرى وڭتۇستىك قازاقستان وبلىسىندا دا "اشىق اكىمدىكتىڭ" اياسىندا كورسەتىلۋدە. 

اباي اقپارات