بۇگىن وڭتۇستىكقازاقستاندىقتار قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «ۇلى دالا ەلى – تاۋەلسىزدىكتىڭ 25 نەگىزى» اتتى 25 جۇلدىزدى كۇندەر اكتسياسى اياسىنداعى «مادەنيەت جانە رۋحانيات» كۇنىن اتاپ ءوتتى.

وسى كۇنى وڭىرىمىزگە عانا ەمەس، بۇكىل رەسپۋبليكامىزداعى مادەنيەت جانە رۋحانيات سالاسىنا سىڭىرگەن ەڭبەگى، ەلدىڭ الەۋمەتتىك جانە مادەني دامۋىنا قوسقان ەلەۋلى ۇلەسى ءۇشىن ەلىمىزگە بەلگىلى 25 قوعام قايراتكەرى وبلىس اكىمىنىڭ ارنايى سىيىمەن ماراپاتتالدى.

سالتاناتتى جيىندا ءسوز العان وبلىس اكىمى جانسەيىت تۇيمەباەۆ بارشا جۇرتشىلىقتى ەگەمەندىكتىڭ مەرەيلى تويىمەن قۇتتىقتاپ، مەرەكەنىڭ الاش ءۇشىن ماڭىزدىلىعىنا توقتالدى.

«ەلىمىزدىڭ وركەندەۋىندە وڭتۇستىكقازاقستاندىقتاردىڭ الار ورنى ايرىقشا. وعان ەشكىمنىڭ دە داۋى بولماۋى كەرەك. ال وڭىرىمىزدە ناقتى ماسەلەلەرگە نازار اۋدارىلىپ، ءتيىستى جۇمىستار اتقارىلىپ جاتىر دەپ انىق ايتا الامىز. جىلدان جىلعا حالقىمىزدىڭ الەۋەتى ارتىپ، وبلىس ەكونوميكاسى قارىشتاپ دامىپ كەلەدى. وسىناۋ تولايىم تابىستار مەن ناتيجەلى جەتىستىكتەرىمىزدە مادەنيەت جانە رۋحانيات سالاسىندا ەڭبەك ەتىپ جۇرگەن سىزدەردىڭ دە ۇلەستەرىڭىز مول دەپ بىلەمىن. ەڭبەك – ەلەنۋى ءتيىس! وسى ماقساتتا مادەنيەت پەن رۋحانيات سالاسىنا ەڭبەگى سىڭگەن ازاماتتارعا ارنايى سىيلىق تاعايىنداپ وتىرمىن. بۇل سىيلىق جىل سايىن مادەنيەت قىزمەتكەرلەرى كۇنى مەرەكەسى قارساڭىندا تابىستالاتىن بولادى»، - دەدى ج.تۇيمەباەۆ.

وبلىس اكىمىنىڭ بەس ءجۇز مىڭ تەڭگە كولەمىندەگى ارنايى سىيى، اتاپ ايتقاندا، ءسابيت ورازباي، مۇحتار شاحانوۆ، ەربولات تولەپباي، ءاسانالى ءاشىموۆ، دۋلات يسابەكوۆ،  ساتىبالدى نارىمبەتوۆ، كوپەن امىربەك، نۇرجامال ۇسەنباەۆا، تاتيانا بۋرميستروۆا، ەركىنبەك تۇرىسوۆ، مەكەمتاس مىرزاحمەتوۆ، مارحابات بايعۇت، نارماحان بەگالى، ءحانبيبى ەسەنقاراقىزى، اسەلحان قالىبەكوۆا، باقىتجان الديار، سۇگىرالى ءساپارالىۇلى، ساپار وتەمىسوۆ، جەڭىس قارعاباەۆ، ابدۋللا جۇماشەۆ، عاليا جومارتوۆا، ءسابيراش ابدرايموۆا، قۇتتىبەك جاقىپوۆ، يگور ۆەربيتسكي جانە جۇمابەك ەسيموۆتەرگە تابىستالدى.

«وڭتۇستىك تسيرك» عيماراتىندا وتكەن شارادا وبلىس اكىمى تسيرك ۇجىمىن 5 جىلدىق مەرەكەسىمەن قۇتتىقتاپ، نىساننىڭ ماتەريالدىق تەحنيكالىق بازاسىن نىعايتۋ ماقساتىندا 20 ورىندىق «Mersedes Benz - Sprinter» اۆتوكولىگىن تارتۋ ەتتى.

ءىس-شارا بارىسىندا قۇرمانعازىنىڭ «سارىارقا»، «بالبىراۋىن» كۇيلەرىن شەرتكەن دومبىراشىلاردىڭ فلەشموبى وينالسا، وبلىستىق مادەنيەت جانە ونەر مەكەمەلەرىنىڭ 300 قىزمەتكەرىنەن قۇرالعان حور ءشامشى قالداياقوۆتىڭ «وتان» ءانىن ايتتى.

سالتاناتتى شارا سوڭىندا وڭتۇستىك قازاقستان وبلىسىنىڭ زيالى قاۋىم وكىلدەرى مەن مادەنيەت قىزمەتكەرلەرىنىڭ قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆقا جازعان قۇتتىقتاۋ اشىق حاتى وقىلدى. ج.شانين اتىنداعى وبلىستىق اكادەميالىق قازاق دراما تەاترىنىڭ جاس ءارتىسى نۇركەن ورىنبەكوۆتىڭ وقۋىنداعى حاتتا ەلباسىنىڭ وسىناۋ شيرەك عاسىردا ەلىمىزدى بارلىق سالالار بويىنشا دامىتۋداعى سارابدال ساياساتى مەن ونىڭ ناتيجەلى جەمىسى ايتا كەلە، ماڭگىلىك ەل يدەياسىن ۇستانعان وسى دارا جولدا اشىق حات يەلەرىنىڭ، ءاردايىم، ۇلت كوشباسشىسى – مەملەكەت باسشىسىمەن بىرگە بولۋعا دايىندىعى باياندالعان.

اباي اقپارات