حالىققا كەرەگى قاشاندا ساپالى قىزمەت. حالىق اقپارات الاردا، قۇجات جيناردا ەشقانداي كەدەرگىگە كەزدەسپەي، شارۋالارىن جىلدام بىتىرۋلەرى ءتيىس. وسى ماقساتتا ەلباسىنىڭ 5 ينستيتۋتسيونالدى رەفورماسىن جۇزەگە اسىرۋعا باعىتتالعان «100 ناقتى قادام» - ۇلت جوسپارىنڭ 94 قادامىنداعى «اشىق ۇكىمەتتى» ەنگىزۋ تاپسىرماسىمەن وڭتۇستىك قازاقستان وبلىسىندا «اشىق اكىمدىك» جوباسى ىسكە استى. «اشىق اكىمدىك» جوباسىنىڭ اياسىندا قىزمەتتەر وڭتايلانىپ، حالىققا كورسەتەتىن قىزمەت جاقسارىپ قانا قويماي، بولاشاعى جارقىن باعدارلامالار دا جۇزەگە اسۋدا. مىسالى، وسىنداي باعدارلامالار قاتارىنا – «Smart Ontustik» باعدارلاماسىن قوسۋعا بولادى.

وسى باعدارلامانى حالىققا تانىستىرعان وبلىس اكىمىنىڭ بۇرىنعى ورىنباسارى ساپاربەك تۇياقباەۆ: «Smart Ontustik» يدەياسىن جۇزەگە اسىرۋعا بيۋدجەتتەن بiر تيىن دا جۇمسال­مايدى. ءبىلىم بەرۋ، دەنساۋلىق ساقتاۋ، جول، تۇرعىن-ءۇي، كوممۋنالدى قىزمەتتتەر... ءبارى باقىلاۋدا بولادى. قاتاڭ باقىلاۋدىڭ ناتيجەسiندە ۇنەمدەلەتiن مەملەكەت شىعىندارى باعدارلامانى ورىنداۋعا كەتەتiن قاراجاتتان الدەقايدا اسىپ تۇسەدi ەكەن. قازىنا قارجىسىنان شاشاۋ شىقپايدى دەپ ايتۋعا وسى فاكتور نەگىز بولدى. وبلىستا «Smart Ontustik» باعدارلاماسىن iسكە اسىراتىن بiلiكتi مامانداردان قۇرالعان ارنايى توپ قۇرىلعان.

سوندىقتان بۇل يدەيا ورتا جولدا قالىپ قويمايدى. تاعى بiر ايتا كەتەرلiگi, باعدارلامانى جۇزەگە اسىرۋشى كومپانيانى اكiمدiك كونكۋرس ارقىلى انىقتاپ، بiرەر جىلعا ۋاقىتشا جالدايتىن بولادى. ەگەر جۇمىس بارىسىندا مiندەتiن دۇرىس اتقارمايتىن بولسا نەمەسە باعدارلاما ويداعىداي جۇرمەي جاتسا، كەلiسiمشارتتى سول ارادا بۇزادى. وسىلايشا قىرۋار قارجى جەلگە ۇشپايدى. قالاي دەسەك تە، «SmartOntustik» باعدارلاماسىنىڭ الەۋمەتتiك ماڭىزى، حالىقتىڭ بيلiككە دەگەن سەنiمiن كۇشەيتۋدەگi ءرولi زور بولعالى تۇر. كەلەسى جىلدان باستاپ بۇل باعدارلاما «اشىق اكىمدىك» جوباسىنىڭ شەڭبەرىندە قولدانىسقا ەنگىزىلە باستايدى، - دەدى.

اباي اقپارات