حالىق پەن بيلىكتىڭ ءبىر-بىرىمەن تىعىز بايلانىس ورناتۋىنا دانەكەر بولعان «اشىق اكىمدىك» جوباسى العا قويعان جوسپارلاردى بىرتىندەپ جۇزەگە اسىرىپ كەلەدى. قازىرگى تاڭدا حالىقتىڭ اقپاراتقا قول جەتكىزۋ مۇمكىندىگى ۇلعايىپ، تالاپ-تىلەكتەرىن اكىمدىككە، ارنايى ورىندارعا ەشقانداي كەدەرگىسىز ونلاين تۇردە جەتكىزە الادى. بۇل تۋرالى «rgmedia.kz» سايتى حابارلايدى.

 بۇل «اشىق اكىمدىك» جوباسى شەڭبەرىندە اتقارىلىپ جاتقان ءبىر عانا شارۋا. سونىمەن قاتار، بۇل جوبا بويىنشا وڭتۇستىك قازاقستان وبلىسىنىڭ تۇرعىندارى حالىققا قىزمەت كورسەتۋ ورتالىقتارىنان، فرونت-وفيستاردان، ەلەكتروندى ۇكىمەت ارقىلى قۇجاتتارىن ەش قيىندىقسىز الا الادى. ءتۇرلى لاۋازىم يەلەرىنىڭ ەسەپتەرىن دەر كەزىندە تىڭداپ، مەكەمە جۇمىستارىنا حالىقتىق باقىلاۋ جاساي الادى.

جاقىندا «اشىق اكىمدىك» جوباسى بويىنشا حالىقتىق باقىلاۋ جۇمىسىن جەڭىلەدەتىن «Smart Ontustik» باعدارلاماسى تولىقتاي ىسكە قوسىلادى. سوندا بۇل باعدارلاما دەنساۋلىق ساقتاۋ سالاسىنداعى بiرقاتار ماسەلەنi شەشەدi. بۇگiندە تاڭسارiدەن ەمحانالاردا كەزەك كۇتەتiندەر قاراسى كوپ. كەيدە كۇنۇزاق كەزەگiن كۇتiپ سول كۇيi دارiگەرگە قارالا الماۋى دا مۇمكiن. ال بۇل باعدارلاما ەلەكتروندى جازىلۋ ارقىلى كەزەك الۋعا جول اشپاق. ناۋقاستار ناقتى ۋاقىتىن بەلگiلەپ، دارiگەر قابىلداۋىنا الدىن الا جازىلىپ قويادى.
ناۋقاستىڭ امبۋلاتورلىق كارتاسى دا ەلەكتروندىق تۇرگە وزگەرەدi. دارiگەر بۇدان بىلاي كارتانى قولمەن تولتىرىپ اۋرە بولمايدى. ءاربiر رەنتگەن ءتۇسiرiلiمدi قايتا شىعارۋ ءۇشiن 300 تەڭگەدەن استام شىعىن جۇمسالادى. بiر اۋرۋحانانىڭ كولەمiندە ەسەپتەگەننiڭ وزiندە بۇعان اجەپتەۋiر قارجى كەتەدi ەكەن. قاراجاتتى ۇنەمدەۋ ماقساتىندا وسىنداي شارالاردىڭ بارلىعى ەلەكتروندىق نۇسقاعا كوشiرiلەدi.

وڭتۇستىك وڭىرىندە ەلباسى تاپسىرماسى ويداعىداي جۇزەگە اسىپ، الداعى ۋاقىتتا جۇزەگە اساتىن جۇمىستاردىڭ جوسپارى بەكىتىلدى. 

اباي اقپارات