رامانقۇلوۆ راشيد ەسىمدى ازامات وڭتۇستىك قازاقستان وبلىسىنىڭ اكىمىنە «اشىق اكىمدىك» جوباسىنىڭ جۇزەگە اسۋ قارقىنىن جەدەلدەتەتىن، حالىق پەن بيلىك اراسىنداعى نىعايتاتىن، جانە وڭتايلاندىراتىن، قاعازباستىلىقتان ارىلتاتىن ەلەكتروندى ۇكىمەتتەگى  dialog.egov.kz پورتالى ارقىلى وزەكتى ساۋال جولداپتى. بۇل تۋرالى «rgmedia.kz» سايتى حابارلايدى.

ەسكەرە كەتەر جاي، «اشىق اكىمدىك» - ەلباسى نۇرسۇلتان نازارباەۆتىڭ «ناقتى 100 قادام» - ۇلت جوسپارىنىڭ 94 قادامىنا سايكەس وڭتۇستىك وڭىرىندە رەسپۋبليكادا العاش بولىپ ىسكە قوسىلدى. وسى ارقىلى ەلباسىنىڭ وڭتۇستىككە دەگەن سەنىمى كۇشەيە تۇسكەنى ءمالىم.  

سۇراق: قازاقستان رەسپۋبليكاسىنىڭ ء«دىني قىزمەت جانە ءدىني بىرلەستىكتەر تۋرالى» زاڭىندا جانە ەلباسىمىز، ۇلت كوشباسشىسى ن.نازارباەۆتىڭ «قازاقستان - 2050» ستراتەگياسىندا يسلام ءدىنىنىڭ «حانافي» مازھابىنا ەرەكشە كوڭىل بولىنگەن. وسىنىڭ سىرى نەدە دەپ ويلايسىز؟ بۇعان وبلىس اكىمى تاراپىنان «اشىق اكىمدىك» قىزمەتى شەڭبەرىندە بىلاي دەپ جاۋاپ بەرىلدى:

قۇرمەتتى راشيد رامانقۇلوۆ!«حانافي» مازھابى يسلام ءدىنىنىڭ سۋننيتتىك باعىتىنداعى مازھابتارعا قاراعاندا نەعۇرلىم بايسالدى، سابىرلى، ۇستامدى، تولەرانتتى، قاناعاتشىل، جەرگىلىكتى ادەپ-عۇرىپ، سالت-سانا زاڭدارىمەن ساناساتىن مازھاب. قازاقستان مۇسىلماندارى ءدىني باسقارماسىنىڭ دا ۇستاناتىن جانە رەسمي ناسيحاتتاپ وتىرعان مازھابى دا وسى «حانافي» مازھابى بولىپ تابىلادى. سونىمەن قاتار اتا-بابالارىمىز يسلام ءدىنىنىڭ سۇننيتتىك باعىتىن، ونىڭ ىشىندە «حانافي» مازھابىن ۇستانعان. وسىنىڭ اياسىندا ەلىمىزدە ەشقاشان ءدىني الاۋىزدىق پەن ءدىني قاقتىعىستار بولماعانى تاريحتان بەلگىلى. مىنە، سول سەبەپتى حانافيتتەر جەر جۇزىندە ەڭ كوپ تاراعان مازھاب بولىپ ەسەپتەلەدى.

اباي اقپارات