جۇما, 27 قىركۇيەك 2024
بيلىك 4061 0 پىكىر 9 جەلتوقسان, 2016 ساعات 19:19

ايگۇل سولوۆەۆا: قوعامدىق كەڭەستەر بيلىكتىڭ ءتورتىنشى دەڭگەيى

استانادا «SarapTime» كلۋبىنىڭ كەزەكتى وتىرىسى ءوتىپ، وعان ساياساتتانۋشىلار، جەرگىلىكتى بيلىك وكىلدەرى، ساراپشىلار قاتىسىپ، قوعامدىق كەڭەستەردىڭ  مەملەكەتتىك بيلىك جۇيەسىندەگى ءرولى مەن ورنىن تالقىلادى.

جيىنعا قاتىسقان ءماجىلىستىڭ IV-V شاقىرىلىم دەپۋتاتى بولعان ايگۇل سولوۆەۆا قوعامدىق كەڭەسكە قاتىستى زاڭدا جەتىلمەگەن تۇستار بار.

«زاڭدا قوعامدىق كەڭەس قوعامداعى وزەكتى ماسەلەلەردى كوتەرىپ، قوعامدىق تالقىلاۋلاردى وتكىزۋگە باعىتتالعانى تۋرالى ايتىلادى. بىراق وندا ساراپتامالىق نورماتيۆتىك-قۇقىقتىق اكتىلەر جاسالۋى كەرەكتىگى ايتىلادى. ساراپتاۋ بۇل كاسىبي قىزمەت. ول قوعامدىق كەڭەسكە جاتۋى مۇمكىن ەمەس. بۇل ولاردىڭ جاۋاپكەرشىلىگىندەگى نارسە ەمەس» دەدى ايگۇل سولوۆەۆا.

سونداي-اق، ايگۇل سولوۆەۆا جەرگىلىكتى ءوزىن-ءوزى باسقارۋ قۇرىلىمى بويىنشا جەرگىلىكتى ماسەلەلەردى سايلانبالى ءماسليحاتتار ارقىلى جۇرتپەن قارىم-قاتىناس جاساپ شەشۋگە بولادى. ال، قوعامدىق كەڭەس قۇرۋ دەگەنىڭىز، بيلىكتىڭ ءتورتىنشى تارماعىن قالىپتاستىرۋ دەگەن ءسوز ەكەنىن دە اتاپ ءوتتى.

Abai.kz

 

0 پىكىر