سارىاعاش اۋدانى 1939 جىلى قۇرىلعان. وڭتۇستiك قازاقستان وبلىسىنىڭ ەڭ iرi اۋداندارىنىڭ بiرi بولىپ سانالادى. قازiرگi كەزدە 7613 شارشى كيلومەتر اۋماعى بار اۋداندا 40-تان استام ۇلت وكiلدەرiنەن قۇرالعان 250,3 مىڭنان استام حالىق تۇرادى. 

اۋدان اۋماعىنان سۋلى كەلەس جانە قۇر كەلەس وزەندەرى اعىپ وتەدى. سۋى مول اۋداننىڭ ىلعالى دا مول بولاتىنى بەلگىلى. ال ىلعالى مول ءوڭىردىڭ ەگىنىنىڭ ءتۇسىمى مول. سوندىقتان سارىعاش اۋدانى ەگىستىك ەگۋگە سوڭعى جىلدارى ەرەكشە كوڭىل ءبولىپ كەلەدى. جىلىجايىمەن ەلىمىزدىڭ كوشىن باستايتىن سارىاعاشتا باۋ ءوسىرۋ دە قولعا الىنعان. وسىنداعى «سارىاعاش جەر سىيى» سەرىكتەستىگىنىڭ جۇمىسى ۇلگى تۇتارلىقتاي. مۇندا جەمىس اعاشتارىنىڭ كوشەتتەرى سوڭعى تەحنولوگيامەن وسىرىلەدى. ءوڭىردىڭ عانا ەمەس، ەلدىڭ شارۋا قوجالىقتارىن جەرگىلىكتى جەرگە بەيىم جەمىس-جيدەك كوشەتتەرىمەن قامتۋدا ەڭبەك ەتۋدە. كۇزگى جيىن-تەرىم اياقتالىسىمەن «سارىعاش جەر سىيى» جشس-ءنىڭ جۇمىسشىلارى كوكتەمگە جۇزىمدىك كوشەتتەرىن ازىرلەۋگە كىرىسكەن. ساپاركۇل ەلەمەسوۆانىڭ شارۋاشىلىقتا ەڭبەك ەتكەنىنە 4 جىل بولىپتى. وسى مەرزىم ىشىندە جەمىس اعاشتارىن باپتاۋدىڭ قىر-سىرىن مەڭگەرگەنىن ايتادى.

سەرىكتەستىككە تيەسىلى 95 گەكتار جەر القابىندا جوعارى ءونىم بەرەتىن جەمىس كوشەتتەرىنەن بولەك وڭتۇستىك كليماتىنا ەندى بەيىمدەلىپ كەلە جاتقان نارتاس، كيۆي، بانان سياقتى سۋبتروپيكالىق جەمىس-جيدەك كوشەتتەرى دە بار. شارۋاشىلىق بۇگىندە كوشەتپەن سارىاعاش اۋدانىن عانا ەمەس، وڭتۇستىك ءوڭىرىن تولىق قامتۋعا مۇمكىندىگى بار. سايرام اۋدانىنان كەلگەن شارۋالار ءجۇزىم وسىرۋمەن اينالىسپاق. تاجىريبەلى باعباننىڭ كەڭەستەرى شارۋاشىلىقتى دۇرىس جۇرگىزۋگە پايداسى بولاتىنىنا قارابۇلاقتىقتار سەنىمدى.

Abai.kz