ۇزىن اتا اۋىلىنداعى «ايتكۇل اتا قونىس» قوجالىعىنىڭ توراعاسى راحىمبەردى ايتمىرزاەۆ ءۇشىن وسى جىل تابىستى بولدى. الا جازداي توككەن تەرى اقتالىپ، 100 تونناعا جۋىق ماقتا، 200 توننادان استام كۇرىش جيناعان. بۇدان بولەك، قاۋىن-قاربىزىن بەرىسى ەلىمىزدىڭ سولتۇستىگىنە، ارىسى رەسەيگە ساۋدالاپ، پايداسىن كورگەن.

ء«وزىم 48 گا، ال شاعىن قوجالىقتارمەن بىرلەسىپ 140 گا ماقتا جانە 35 گا كۇرىش ەكتىم. اسا مول پايدا كورگەن جوقپىز. دەگەنمەن، شىعىندى وتەدى. تۇقىم سەبىلگەن كۇننەن باستاپ، جيناپ العانعا دەيىن قول كۇشى جانە تەحنيكانى قاجەت ەتەتىن ماقتانىڭ شىعىنى شاش-ەتەكتەن. سوندىقتان دا بولار، ديقاندار اق التىننىڭ كولەمىن ازايتىپ جاتىر. ماسەلەن، ورتا ەسەپپەن العاندا ءبىر گەكتار ماقتالىققا 150-200 مىڭ تەڭگە شىعىن كەتەدى. ەگەر شارۋانىڭ تەحنيكاسى بولسا، از بولسا دا پايدا كورۋگە مۇمكىندىگى بار. ال، تەحنيكاسى جوقتارىنىڭ جاعدايى قيىنداۋ. ديقاندار ءالى دە تولىق اياقتان تۇرىپ كەتكەن جوق. سول سەبەپتى، مەملەكەت تاراپىنان ولار قولداۋعا مۇقتاج»، — دەيدى راحىمبەردى ايتمىرزاەۆ.

ابىلاي ماقانوۆ، شاردارا اۋداندىق اۋىل شارۋاشىلىعى ءبولىمى باسشىسىنىڭ ورىنباسارى:

— شاردارانىڭ تابيعاتى ەگىن شارۋشىلىعىنا بەيىم بولعاندىقتان، 30 مىڭنان استام تۇرعىن وسى ەگىنشىلىكتى كاسىپ ەتكەن. بيىل اۋدان بويىنشا 59300 گەكتار جەرگە اۋىل شارۋاشىلىق داقىلدارى ەگىلدى. شارۋالار ماقتادان باستاپ، كۇرىش، ماش، باقشا ونىمدەرى، مال ازىقتىق داقىلدارى، جوڭىشقا وسىرۋگە دەن قويعان. ەڭ باستىسى ماقتا القاپتارىنىڭ قازىرگى كولەمىن ساقتاپ قالۋعا ارەكەت جاساپ جاتىرمىز. وسى ورايدا، جەردى دەمالدىرۋ، ىلعالداندىرۋ جانە ورگانيكالىق تىڭايتقىشتارمەن كۇش بەرۋ جۇمىستارىنا باسىمدىلىق بەرىپ جاتىرمىز.

ۇزىن اتا اۋىلىنىڭ شارۋالارى بيىل 300 گەكتارعا جۋىق جەرگە كۇرىش ەككەن. ءبىر ءدانىن دە ىسىراپ ەتپەي، جيناپ الدى. ر. ايتمىرزاەۆ ازىرگە اق مارجاندى ساتۋعا شىعارماعانىن ايتادى. ەگەر كۇرىشتىڭ باعاسى ديقانداردىڭ كوڭىلىنەن شىعاتىن بولسا، وعان دا بەتبۇرىستىڭ جاقساراتىندىعىنا سەنەدى. 

Abai.kz