وبلىستاعى اۋدان، قالا اكىمدىكتەرى «اشىق اكىمدىك» جوباسى اياسىندا حالىققا الەۋمەتتىك-ەكونوميكالىق سالاعا قاتىستى مالىمەتتەردىڭ اشىقتىعىن، قولجەتىمدىلىگىن قامتاماسىز ەتۋ ءۇشىن تاۋەلسىزدىكتىڭ 25 جىلدىعىندا قول جەتكىزىلگەن جەتىستىكتەر تۋرالى اقپاراتتاردى جاريا ەتۋدە. بۇل تۋرالى «rgmedia.kz» سايتى حابارلايدى.

 وسىنداي اقپاراتتاردى جاريالاعان تۇلكىباس اۋداندىق اكىمدىگىنىڭ مالىمەتىنە قاراعاندا، تاۋەلسىزدىكتىڭ العاشقى جىلدارى اۋداندا قۇرىلعان 2200 ۇساق شارۋا قوجالىقتارى بىرىكتىرىلىپ، بۇگىندە 308-گە ىرىلەندىرىلگەن. جىل باسىنان بەرى اۋداننىڭ تاڭعاجايىپ تابيعاتىن تاماشالاۋعا 10973 ساياحاتشى كەلسە، ونىڭ 691 شەتەل ازاماتتارى، 10282 ەل ازاماتتارى بولىپ وتىر.

2016 جىلدىڭ 8 ايىنىڭ قورىتىندىسى بويىنشا نەگىزگى كاپيتالعا – 6 518,9 ملن. تەڭگە ينۆەستيتسيا تارتىلعان. ونىڭ ىشىندە 108,5 ملن. تەڭگەسى رەسپۋبليكالىق، 2 775,5 ملن. تەڭگەسى جەرگىلىكتى بيۋدجەت ەسەبىنەن بولسا، 993,1 ملن. تەڭگەسى كاسىپورىنداردان جانە حالىقتىڭ ءوز قارجىسى، 2 641,8 ملن. تەڭگەسى قارىز ينۆەستيتسيا ەسەبىنەن.  اۋداندا اۋىل شارۋاشىلىق سالاسىنا باسىمدىق بەرىلگەنىمەن، ونەركاسىپتى  دامىتۋعا دا ەرەكشە ءمان بەرىلۋدە. جىل باسىنان بەرگى 8 ايدا ونەركاسىپ كاسىپورىندارى – 10 578,0 ملن. تەڭگەنىڭ ءونىمىن ءوندىردى. بۇل كورسەتكىش وتكەن جىلدىڭ ءتيىستى كەزەڭىمەن سالىستىرعاندا 102,7 پايىز بولىپ وتىر. اۋداندا 1 - ءىرى، 6 - ورتا، 21- كىشى جانە  4 - قوسالقى بارلىعى 32 كاسىپورىن جۇمىس ىستەۋدە. «ۇدەمەلى يندۋستريالدى يننوۆاتسيالىق دامۋ» مەملەكەتتىك باعدارلاماسىن جۇزەگە اسىرۋ ءۇشىن ءبىرشاما جۇمىستار جۇرگىزىلدى. جالپى سوماسى 900,0 ملن. تەڭگەدەن اساتىن 3 جوبانى قارجىلاندىرۋ يندۋستريالاندىرۋ كارتاسىنا ۇسىنىلعان بولاتىن. ونىڭ ەكەۋى وبلىس تاراپىنان ماقۇلداندى.

تاۋ بوكتەرىندە ورنالاسقان تۇلكىباس اۋدانىندا اۋىل شارۋاشىلىعى ءونىمىنىڭ كولەمى بيىلعى 8 ايدىڭ قورىتىندىسى بويىنشا 15 476,9 ملن. تەڭگە بولىپ، وتكەن جىلدىڭ ءتيىستى كەزەڭىمەن سالىستىرعاندا 102,6 پايىزدى قۇراپ وتىر. ەگىستىك جەردىڭ يگەرىلۋى  جانە يگەرىلەتىن سۋارمالى جەر كولەمى بويىنشا بەرىلگەن  جوسپار 100% ورىندالعان.

اۋداننىڭ الەۋمەتتىك-ەكونوميكالىق دامۋى جۋىردا اۋدان اكىمى ءا.تۇرعىمبەكوۆتىڭ توراعالىعىمەن وتكەن جيىندا دا قارالدى. ماجىلىستە اۋداندىق كاسىپكەرلىك ءبولىمىنىڭ باسشىسى ا.جاباعى اتقارىلعان جۇمىستار بويىنشا باياندادى. باياندامادا اۋداننىڭ كاسىپكەرلىك سالاسىنىڭ بۇگىنگى جايى، اشىلاتىن جوبالار، يندۋستريالدى ايماقتا جۇزەگە اساتىن جوبالار قامتىلدى. سونىمەن قاتار اۋداندا ءتۋريزمدى دامىتۋ بويىنشا اتقارىلىپ جاتقان جۇمىستارعا توقتالدى.

ماجىلىستە اۋدان اكىمى ءا.تۇرعىمبەكوۆتىڭ اتالعان سالالار بويىنشا ورىن العان كەمشىلىكتەردى جويۋ، الدىن الۋ ماقساتىندا جوسپارلى جۇمىس جاساۋ كەرەك ەكەندىگىن ايتتى. سونىمەن قاتار بەرىلگەن تاپسىرمالاردى ورىنداۋ، كاسىپكەرلىكپەن اينالىسۋشى ازاماتتارمەن ءتۇسىندىرۋ جۇمىستارىن جاساۋ قاجەت دەپ ءماجىلىستى قورتىندىلادى.

Abai.kz