قازاقستان رەسپۋبليكاسى تاۋەلسىزدىگىنىڭ 25 جىلدىعى قارساڭىندا تەرىسكەيدە تاعى ءبىر جاڭا بالاباقشا اشىلدى. بۇل تۋرالى «اباي اقپارات» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

تەرىسكەيدەگى شارۋاشىلىعى جولعا قويىلعان اۋدان ورتالىعى شولاققورعان اۋىلىندا جەكە كاسىپكەر ب. دوساەۆ 75 ورىندىق «شۇعىلا» بالاباقشاسىن اشتى. اشىلۋ سالتاناتىنا قاتىسقان اۋدان اكىمى م. يساەۆ: «سوزاق اۋدان ءبىلىم بەرۋ سالاسىنا كوپ كوڭىل ءبولىپ كەلەدى. زامان تالابىنا ساي سوعىلعان بۇل عيمارات ەل يگىلىگىنە قىزمەت ەتەتىن بولادى. تاۋەلسىزدىك مەرەكەسىنە تارتۋ بولعان بالاباقشانىڭ اشىلۋى قۇتتى بولسىن» دەپ بارشا جينالعان قاۋىمدى قۇتتىقتادى.

350 شارشى مەتر اۋماقتى الىپ جاتقان بالاباقشا عيماراتى زامان تالابىنا لايىقتالىپ، بۇلدىرشىندەردىڭ جاس ەرەكشەلىگىنە ساي جابدىقتالعان. ويىن بولمەسى، جاتىن بولمە، مەديتسينالىق كابينەتپەن قامتىلعان. جەكە كاسىپكەر ب. دوساەۆ: «زامان تالابىنا ساي وقۋ جانە تاريبە جۇمىستارىنا جاڭاشا كوڭىل ءبولىنىپ وتىر. مەكتەپە دەيىنگى بالالارعا قوعامدىق تاربيە بەرۋ ماقساتىندا بوبەكجاي اشتىق. 75 ورىندىق بالاباقشادا 22 ادامدى جۇمىسپەن قامتىپ وتىرمىز»- دەيدى.

ايتا كەتۋ كەرەك سوزاق اۋدانىندا مەمەلەكەتتىك «بالاپان» باعدارلاماسىنىڭ ورىندالۋى 86,3 پايىزدى قۇراپ وتىر.

اباي-اقپارات