كەڭەس داۋىرىندە ماسكەۋگە تانىمال بولعان وڭتۇستىك قازاقستان وبلىسىنداعى تۇلكىباس اۋدانىنىڭ الماسى بۇگىنگى تاڭدا قايتا جاندانۋدا. ءتىپتى وسى ءوڭىردىڭ برەندىنە اينالدىرۋ جۇمىستارى جۇرگىزىلۋدە. 

اۋداندا 1991-2016 جىلدار ارالىعىندا بارلىعى 1619,5 گا جەرگە الما باۋ مەن جۇزىمدىكتەر ەگىلىپ، 13,5 گا جەرگە جىلىجاي سالىنعان، 4474 گا جەرگە تامشىلاتىپ سۋعارۋ ءادىسى ەنگىزىلگەن. مۇنىڭ كوبىسى سوڭعى جىلدارى ەنگىزىلگەن قر ۇدەمەلى يندۋستريالدى-يننوۆاتسيالىق «اگروبيزنەس – 2020» باعدارلاماسى اياسىندا ىسكە استى. «اگروبيزنەس-2020» باعدارلاماسىنىڭ شاراپاتىن تۇلكىباس اۋدانى مولىنان كورۋدە. وسىعان وراي اۋدانداعى ءونىم كولەمى كۇرت ارتقان. اسىرەسە تۇلكىباستىڭ الماسىن الداعى ۋاقىتتا كوبىرەك ەگىپ، مول ءونىم الۋ باعىتىندا جۇمىستار اتقارىلۋدا.

اۋداننىڭ تابيعي ەرەكشەلىگىنە ساي قارقىندى دامىپ كەلە جاتقان تۋريزم جانە اۋىلشارۋاشىلىعى سالاسى قازىر وبلىس كولەمىندە اۋداننان مول ءۇمىت كۇتتىرىپ وتىر. وسىعان وراي الداعى ۋاقىتتا تۇلكىباس اۋدانىندا تۋريزم سالاسى مەن الما جانە ءسۇت كلاستەرىن دامىتۋدى قولعا الۋ جۇمىستارى جۇرگىزىلمەك. وتكەن جىلى ماماندار «قازىرگى تاڭدا اۋداندا 2800 گەكتار جەردە الما ەگىلىپ، ءار گەكتارىنان 4 توننا ءونىم الىنادى. ءوڭىردىڭ باۋ-باقشا ەگۋگە قولايلى بولۋىنا وراي باعباندىق شارۋاشىلىقتى قولعا الۋ مىندەتى تۇر. وسىنىڭ نەگىزىندە بيىل تاعى قوسىمشا 500 گەكتار جەرگە الما اعاشتارىن ەگۋ جوسپارلانۋدا»، - دەگەن بولاتىن. الداعى جىلدارى تۇلكىباستىقتار الما باعىنىڭ كولەمىن ۇلعايتىپ، تۇلكىباس الماسىن قايتادان ەلىمىز بەن الىس-جاقىن شەتەلدەرگە تانىمال برەندكە اينالدىرۋدى كوزدەپ وتىر. باعبانداردىڭ نيەتى قابىل بولعاي دەيمىز!

Abai.kz