جەرگىلىكتى اتقارۋشى ورگانداردىڭ جۇمىسىنىڭ اشىقتىعىن، جاريالىعىن، ەلدەگى الەۋمەتتىك-ەكونوميكالىق كورسەتكىشتەرگە قاتىستى مالىمەتتەردىڭ قولجەتىمدىلىگىن قامتاماسىز ەتۋ ماقساتىندا وڭىردە كوپتەگەن ءىس-شارالار وتۋدە. ماسەلەن سولاردىڭ ءبىرى تۇلكىباس اۋدانىندا ۇيىمداستىرىلدى. بۇل تۋرالى «rgmedia.kz» سايتى حابارلايدى.

قازاقستان رەسپۋبليكاسى تاۋەلسىزدىگىنىڭ 25 جىلدىعىندا سالالار بويىنشا جەتكەن جەتىستىكتەر كورسەتكىشتەرىن ناسيحاتتاۋ ماقساتىندا قۇرىلعان وبلىستىق اقپاراتتىق-ناسيحاتتىق توپ مۇشەلەرى تۇلكىباس اۋدانىنا كەلىپ، سەمينار وتكىزدى. بۇل تۋرالى تۇلكىباس اۋدانى اكىمدىگىنىڭ ءباسپاسوز قىزمەتى حابارلادى.
سەمينارعا وبلىستىق اقپاراتتىق-ناسيحاتتىق توپ مۇشەسى، لەكتور، مارحابات بايعۇت، اۋدان اكىمدىگىنىڭ قىزمەتكەرلەرى، اۋىل وكرۋگتەرى اكىمدەرى، اۋدانداعى اۋىل وكرۋگتەرىنىڭ، ەلدى مەكەندەردىڭ اقپاراتتىق-ناسيحاتتىق توپتارىنىڭ مۇشەلەرى قاتىستى.

سەميناردا «قر تاۋەلسىزدىگىنىڭ 25 جىلدىعىندا سالالار بويىنشا رەسپۋبليكادا، ونىڭ ىشىندە وڭتۇستىك قازاقستان وبلىسىندا جەتكەن جەتىستىكتەر كورسەتكىشتەرى تۋرالى سەميناردىڭ لەكتورى، مارحابات بايعۇت باياندادى. سەميناردا م.بايعۇت:

-ءبىرىنشى كەزەكتە تاۋەلسىزدىك جىلدارى اتقارىلاتىن جۇمىستاردى ناسيحاتتاۋعا جان-جاقتى جۇمىلۋىمىز كەرەك. وسىعان وراي، ناسيحاتتاۋ بويىنشا اۋداندىق اقپاراتتىق - ناسيحاتتىق توپتار اۋىل وكرۋگتەرىنە بارىپ، سپيكەرلەرمەن، ياعني، ءاربىر اۋىل وكرۋگىنە، ەلدى مەكەنگە، كوشەگە بەكىتىلگەن بەلسەندى، ابىرويلى ازاماتتارمەن كەزدەسۋلەر وتكىزۋ قاجەت.

اۋىل وكرۋگتەرى اكىمدەرى بەكىتىلگەن سپيكەرلەردىڭ جۇمىستارىن ۇيلەستىرىپ، بارلىق ۇيىمداستىرۋ شارالارىن اتقارسىن، تۇرعىنداردى تولىق اقپاراتتاندىرۋ قامتاماسىز ەتىلسىن،- دەدى.

جيىندا ءتۇرلى سۇراقتار قويىلىپ، تياناقتى جاۋاپتار بەرىلدى. سەميناردى اۋدان اكىمىنىڭ ورىنباسارى ج.بەكتاەۆا قورتىندىلاپ، سەمينارعا قاتىسۋشىلارعا العىسىن ءبىلدىردى.

Abai.kz