بۇگىن وڭتۇستىك قازاقستان وبلىسىنىڭ اكىمى جانسەيىت تۇيمەباەۆ «Forte Bank» اق ديرەكتورلار كەڭەسىنىڭ مۇشەسى ماعجان اۋەزوۆپەن كەزدەستى.

باسقوسۋدا تاراپتار ەكى جاقتى ارىپتەستىك جايىن تالقىلاپ، اتالعان بانكتىڭ وبلىس كولەمىندە اتقارىپ جاتقان جۇمىستارى مەن الداعى ۋاقىتتا اكىمدىكپەن بىرلەسە اتقاراتىن شارۋالارى تۋرالى اڭگىمەلەستى.

ءوز كەزەگىندە، م.اۋەزوۆ اتالعان بانك جەتەكشىلىگىمەن شاعىن جانە ورتا بيزنەس بويىنشا نەسيە بەرۋ باعدارلاماسىنىڭ ءتۇزىلىپ جاتقانىن بايانداسا، ج.تۇيمەباەۆ شاعىن كاسىپ تۇرلەرى دامىپ كەلە جاتقان وڭىردەگى ازاماتتار ءۇشىن بۇل  جاقسى مۇمكىندىك ەكەنىن ايتتى.

ايتا كەتۋ كەرەك، «Forte Bank» اكتسيونەرلىك قوعامى 20 جىلدان استام ۋاقىتتان بەرى ەلىمىزدەگى ۇزدىك بانكتەر قاتارىندا بانك قىزمەتىن ۇسىنىپ كەلەدى. بانكتىڭ رەسپۋبليكا بويىنشا 19 وبلىستىق فيليالى، 150 بولىمشەسى بار. تاياۋدا شىمكەنت قالاسىندا بانك فيليالىنىڭ جاڭا عيماراتى اشىلىپ، حالىققا قىزمەت كورسەتە باستايدى دەپ كۇتىلۋدە.

وڭتۇستىك قازاقستان وبلىسىندا «بيزنەستىڭ جول كارتاسى 2020» بيزنەستى قولداۋ مەن دامىتۋدىڭ بىرىڭعاي باعدارلاماسى شەڭبەرىندە كاسىپكەرلەردىڭ بانكتەگى كرەديتتەرى بويىنشا سىياقى ستاۆكاسىن سۋبسيديالاۋ باعىتىمەن «Forte Bank» اق ارقىلى جالپى كرەديت سوماسى 4 522,2 ملن. تەڭگەنى قۇرايتىن 39 جوباعا قولداۋ كورسەتىلگەن.

Abai.kz