وڭتۇستىك قازاقستان وبلىسىندا «ىرىس» ميكروقارجى ۇيىمىنان نەسيە الىپ، شارۋاسىن دوڭگەلەتiپ وتىرعان كاسiپكەرلەردiڭ سانى كۇن ساناپ ارتىپ كەلەدi. ۇيىم سوڭعى جەتi جىلدا جالپى قۇنى 19,9 ملرد. تەڭگەنi قۇرايتىن 12 645 جوبانى قارجىلاندىرعان ەكەن. سونىڭ ناتيجەسiندە وبلىس بويىنشا 11 087 ادام جۇمىسپەن قامتىلعان.

بىلتىرعى جىلدىڭ قورىتىندىسى بويىنشا ۇيىمنىڭ نەسيە پورتفەلi 7,3 ملرد. تەڭگەنi قۇراسا، بيىل وسى مەرزiمگە دەيiنگi كورسەتكiش 7,8 ملرد. تەڭگەدەن اسىپ وتىر. ونىڭ 80 پايىزى مال شارۋاشىلىعىن، 15 پايىزى ەگiن شارۋاشىلىعىن، 5 پايىزى باسقا دا كاسiپ تۇرلەرiن دامىتۋعا بەرiلگەن.

«ىرىس» ميكروقارجى ۇيىمىنان نەسيە العان جوبالاردىڭ قاتارىندا ورداباسى اۋدانىنىڭ تورتكۇل ەلدi مەكەنiندە ماقتا شارۋاشىلىعىمەن اينالىساتىن «بايارىستان» شارۋا قوجالىعى بار. شارۋاشىلىق ءۇش جىلدان بەرi جەڭiلدەتiلگەن پايىزبەن نەسيە الىپ، كاسiبiن جانداندىرىپ كەلەدi. قوجالىق ماقتا ءوسiرۋ ءۇشiن بيىل 2,8 ملن. تەڭگە نەسيە العان. جوسپار بويىنشا جىل سوڭىنا دەيiن 90-100 توننا شيتتi ماقتا جيناۋدى جوسپارلاپ، قويعان مەجەلەرىنە جەتتى.

ۇيىمنىڭ ەرەكشە اتاپ وتەتiن جوبالارىنىڭ بiرi – جەكە كاسiپكەر ش.پiرiمقۇلوۆ اشقان جىلىجاي. كاسiپكەر 2009 جىلى جەڭiلدەتiلگەن پايىزبەن «ىرىس» ۇيىمىنان 8 ملن. تەڭگە نەسيە العان. ناتيجەسiندە 0,35 گەكتار جەرگە جىلىجاي قۇرىلىسىن جۇرگiزiپ، بۇگiندە كاسiبiنiڭ جەمiسiن كورۋدە. ال، 2013 جىلى تاعى 12 ملن. تەڭگە نەسيە الىپ، جىلىجاي اۋماعىن 1,2 گەكتارعا ۇلعايتقان. سونىڭ ناتيجەسiندە قازiر جىلىجايدان 150 توننا قىزاناق، 100 توننا قيار ءوندiرiپ وتىر. كاسىپكەر جىلىجايدان العان ونىمدەرىن ەلىمىزدىڭ ءىرى قالالارىنا جونەلتىپ وتىرادى.

Abai.kz