بيىل ماقتاارال اۋدانىندا ورىك پەن القورى جاقسى ءونىم الدىندى. جازدىڭ العاشقى ايىنان باستاپ-اق جەمىستەر توننالاپ رەسەيگە جونەلتىلدى.

وسىدان بەس جىل بۇرىن كوشەتتەر يتاليادان اكەلىنگەن بولاتىن. العاشقى ەكى جىلدا جىلۋسۇيگىش جەمىستەر كوكتەمنىڭ سالقىنىنا بەيىمدەلە المادى. بىرنەشە جىلدىق ەڭبەكتىڭ، كۇتىمنىڭ ارقاسىندا بيىل جازدا جەمىستەر مول ءونىم بەرە باستادى. 

ورىكتىڭ ساپاسى مەن ساقتالۋى جەمىستىڭ قاشان، قالاي جيناعالعانىنا بايلانىستى.

ەرلىك سادىبەكوۆ: - ورىكتەردىڭ ءتۇرلى سورتتارى بار. ءبىز رەنو انتونينو، حوست حورون دەگەن سورتتارىن وسىرەمىز. ءبىز بۇلاردى يتاليادان اكەلدىك. بۇلاردىڭ ءبارى جىلۋسۇيگىش اعاشتار. قازاقستاننىڭ سولتۇستىگىندە بۇل جەمىس اعاشتارىنىڭ ءوسۋى ەكىتالاي. 

«بىلتىرعى جىلى اۋا-رايىنىڭ سالقىن بولۋىنا بايلانىستى جاقسى ءونىم الا المادىق، ال بيىلعى جىلى ءار گەكتارىنان 400-500 تسەنتنەر ءونىم الىپ وتىرمىز. جەمىستەردى رەسەيگە جونەلتەمىز. القورىنىڭ ءبىر ءتۇپ اعاشى جەتپىس كەلىگە دەيىن ءونىم بەرەدى»، - دەيدى ارتىقباي اقتورەەۆ. 

مۇندا 325 گەكتار جەرگە الما مەن المۇرتتىڭ 8 ءتۇرلى سورتى ەگىلىپتى. ەندى ولاردىڭ ىشىندە قايسىسى وسى جەردىڭ تابيعاتىنا كەلەدى، قايسىسىنىڭ ءونىمى جاقسى ەكەنى قاداعالاناتىن بولادى. باعباندار جىلىنا ءبىر ميلليونعا دەيىن كوشەت وتىرعىزادى ەكەن. بيىلعى جىلى ماقتاارال اۋدانى ەلىمىزدڭ باسقا وبلىستارىنا 4 مىڭ تونناداي الما جونەلتكەن. ماقتاارال اۋدانىنىڭ جەراستى سۋلارى بەتىنە جاقىن. سوندىقتان وسىمدىكتەردىڭ تامىرى جەر استىنداعى تۇزدى سۋعا تەز جەتەدى دە، ءولىپ قالادى. وسىعان وراي جاڭا تەحنولوگيالار قولدانىلا باستادى. ياڭني جەمىستى اعاشتار تامشىلاتىپ سۋعارۋ ءادىسى ارقىلى سۋارىلادى. جەمىس اعاشتارى ءبىر-بىرىنە جاقىنداۋ وتىرعىزىلادى. ال جەمىستەردى ساقتاۋ ءۇشىن اۋداندا ارنايى قويمالار سالىنۋدا. مۇنداي قويمالار جەتىسايدى، مىرزاكەنتتە سالىنادى. 

Abai.kz