شىمكەنت قالاسىنداعى اباي اۋدانىنا قاراستى ءۇش كوپقاباتتى ۇيلەردىڭ اۋلالارى قايتا جوندەۋدەن ءوتىپ، ەل يگىلىگىنە بەرىلدى.

تۇرعىنداردىڭ قۋانىشىمەن بولىسە بارعان وبلىس اكىمى جانسەيىت تۇيمەباەۆ پەن قالا اكىمى عابيدوللا ءابدىراxىموۆ بارشا شىمكەنتتىكتەردى مەرەيلى قوس مەرەكە - قازاقستان رەسپۋبليكاسى تاۋەلسىزدىگىنىڭ 25 جىلدىعى جانە «1 جەلتوقسان  - تۇڭعىش پرەزيدەنت كۇنىمەن» قۇتتىقتادى.

«حالىققا ىڭعايلى جاعداي جاساۋ ماقساتىندا قالادا اۋقىمدى قۇرىلىس جۇمىستارى جۇرگىزىلدى. ماسەلەن، شاھارداعى  كوپقاباتتى 1020 تۇرعىن ءۇيدىڭ  829-نداعى اۋلالار جوندەلىپ، 334 ءۇيدىڭ اۋلاسىنا جارىقتاندىرۋ جۇمىستارى جۇرگىزىلدى. ال 686 كوپقاباتتى تۇرعىن ءۇيدىڭ اۋلاسىنا ەلەكتر باعانالارىن ورناتۋ جۇمىستارى جىل سوڭىنا دەيىن اياقتالادى دەپ جوسپارلانۋدا»،-دەدى وبلىس اكىمى.

وسىناۋ جۇمىستاردىڭ بارلىعى حالىق يگىلىگى ءۇشىن جاسالىپ جاتقان دۇنيە ەكەنىن ايتقان ايماق باسشىسى قالامىزدىڭ تازالىعى مەن ونى كۇتىپ ۇستاۋ  تۇرعىنداردىڭ دا مىندەتى ەكەنىن جەتكىزدى.

قازاقستان رەسپۋبليكاسى تاۋەلسىزدىگىنىڭ 25 جىلدىعى مەرەكەسىنە وراي،  «جۇمىسپەن قامتۋ جول كارتاسى 2020» باعدارلاماسى اياسىندا رەسپۋبليكالىق جانە جەرگىلىكتى بيۋدجەتتەن قارجى قارالىپ، 80-نەن استام كوپقاباتتى تۇرعىن ءۇيدىڭ ويىن الاڭدارى قايتا جوندەلىپ، جىل سوڭىنا دەيىن پايدالانۋعا بەرىلەدى.

Abai.kz