2016 جىلعى 1 جەلتوقساندا ساعات 11.00-دە رەسپۋبليكا سارايىنىڭ الدىندا «قازاقستان رەسپۋبليكاسىنىڭ تۇڭعىش پرەزيدەنتى كۇنىنە» ارنالعان سالتاناتتى شارا وتكىزىلەدى، - دەپ حابارلايدى اباي-اقپارات الماتى قالاسى اكىمدىگىنىڭ ءباسپاسوز قىزمەتىنە سىلتەمە جاساپ.

وسى ايتۋلى كۇن شەڭبەرىندە 1991 جىلى 10 جەلتوقساندا وتكىزىلگەن تاريحي وقيعالاردىڭ ءبىرى – قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىشۇلى نازارباەۆتىڭ ءبىرىنشى يناۋگۋراتسياسىن ەستە قالدىرۋ ماقساتىندا ەسكەرتكىش تاقتاسىنىڭ اشىلۋ ءراسىمى ۇيىمداستىرىلادى.

مەرەكەگە الماتى قالاسىنىڭ اكىمى ب.بايبەك، زيالى قاۋىم وكىلدەرى، قوعام قايراتكەرلەرى، قۇرمەتتى ازاماتتار، قالا تۇرعىندارى مەن جاستار قاتىسادى.

ءىس-شارا بارىسىندا الماتى قالاسىنىڭ اكىمى قالاداعى 7 كوشەنىڭ اتاۋىنا جاڭا ەسىمدەردىڭ بەرىلگەنى تۋرالى مالىمدەمە جاسادى. 

باۋىرجان بايبەك بۇل شارانىڭ، ياعني الماتى كوشەلەرىنىڭ اتىن وزگەرتۋ قالا قوعامىنىڭ پىكىرىنەن تۋىنداعانىن ايتتى. 

الماتى قالاسى ءماسليحاتىنىڭ شەشىمىمەن بىرقاتار كوشەلەردىڭ اتى جاڭاشا اتالاتىن بولدى.

سونىمەن، وزگەرتىلگەن كوشەلەر:

الماتى قالاسى الاتاۋ اۋدانى بويىنشا -"كوكقاينار" شاعىناۋدانىنداعى "اباي" كوشەسى - ء"ازىربايجان مامبەتوۆ" كوشەسى;  

"ايگەرىم-1,2" شاعىناۋدانىنداعى "لەنين" كوشەسى - "ۆاسيلي بەنبەرين" كوشەسى;

الماتى قالاسى المالى اۋدانى بويىنشا -  "لەۆون ميرزويان" كوشەسى - "شاپىق شوكين" كوشەسى;

الماتى قالاسى بوستاندىق اۋدانى بويىنشا: "8-لينيا" كوشەسى - "ەربول سىپاتاەۆ" كوشەسى;

الماتى قالاسى مەدەۋ اۋدانى بويىنشا: 5. "كوكتوبە" شاعىناۋدانىنداعى "جامبىل جاباەۆ" كوشەسى - "روزا باعلانوۆا" كوشەسى;

الماتى قالاسى ناۋرىزباي اۋدانى بويىنشا: "قالقامان-2" شاعىناۋدانىنداعى "مۇحتار اۋەزوۆ" كوشەسى - "بايكەن ءاشىموۆ" كوشەسى بولىپ قايتا اتالاتىن بولدى.

الماتى قالاسى اكىمىنىڭ قالىڭ بۇقارا نارازى بولعان ميرزويان كوشەسىنىڭ اتىن وزگەرتۋى جانە جەلتوقسان كوتەرىلىسىنىڭ باتىرى ەربول سىپاتاەۆقا كوشە اتىن بەرۋى قازاقتى قۋانتارلىق جاڭالىق. 

وسىنداي جاعىمدى جاڭالىقتار كوپ بولعاي. 

ءشارىپحان قايسار

اباي-اقپارات