ءار اۋداننىڭ ءوز شارۋاشىلىعى بولادى. وسى ورايدا ماقتارال اۋدانى نەگىزىنەن ماقتا شارۋاشىلىعىمەن اينالىسۋدى جولعا قويعان. وسى ۋاقىتتار ىشىندە وسىرىلەتىن ماقتانىڭ ساپاسىن جاقسارتۋ، ونىمدىلىكتى ارتتىرۋ ماقساتىندا تالاي جۇمىستار اتقارىلۋدا. رەسپۋبليكا بويىنشا ماقتا وندىرىسىندە وسى وڭىرگە باسىمدىق بەرۋ دە قاراستىرىلعان.

جالپى اۋداندا قىزمەت اتقاراتىن 3 تۇقىم شارۋاشىلىقتارى مەن «قازماقتاعزي» جشس-ءنىڭ قۇرايدى. اتالعان تۇقىم شارۋاشىلىقتارى 2016 جىلى بارلىعى 2025,8 توننا ساپالى شيت تۇقىمىن دايىنداعان (ونىڭ ىشىندە: 8,8 توننا - ورگينال; 44 توننا - ەليتا; 148 توننا - R-1; 760 توننا R-2). اۋدانداعى ماقتا وڭدەۋ زاۋىتتارى تاراپىنان («مىرزاكەنت» ءموز، «تاڭشولپان» ءموز) تەحنيكالىق ششيتتەن دايىندالعان تۇقىمنىڭ كولەمى 1065 توننا، بارلىعى 2025,8 توننانى قۇرادى. 

قوسىمشا شەت مەملەكەتتەردەن ساپالى (R-1) ماقتا تۇقىمىن الدىرۋ جۇمىستارى ناتيجەسىندە، (تۇركيا، قىتاي ) ق.ابباسوۆ باسقاراتىن «يۋگ اگرو-س» جشس-گى تۇركيا مەملەكەتىنەن 39,7 توننا، ا.اقتورەەۆتىڭ باسقارۋىنداعى «ارسەنال ساد» ستك-ءۆى قىتاي مەملەكەتىنەن 18,6 توننا جانە «مىرزاكەنت» ءموز قىتاي مەملەكەتىنەن 22,3 توننا، بارلىعى 80,6 توننا (R-1) ساپالى تۇقىمدىق شيت شارۋالارعا تاراتىلدى.

جالپى الداعى ۋاقىتتا تۇقىم ساپاسىن جاقسارتۋ، ەڭبەك ونىمدىلىگىن كۇشەيتۋ باعىتىندا جۇمىستار اتقارىلادى دەپ كۇتىلۋدە. سونىڭ ىشىندە ماقتارال ءوڭىرىنىڭ قۇنارى مول جەرىن ءتيىمدى پايدالانۋ باستى ماقسات بولىپ وتىر. ماقتارالدىق ماقتاشىلار بۇل ءوڭىردىڭ بارلىق مۇمكىندىگىن پايدالانىپ، الداعى ۋاقىتتا ءالى دە بولسا مول ءونىم الۋعا ۋادە بەرىپ وتىر. ەڭبەك ءراتتى بولعاي!

Abai.kz