اقتوبە وبلىسىنىڭ اكىمى بەردىبەك ساپارباەۆ سەنبى كۇنى بىرقاتار نىسانداردى ارالادى، - دەپ حابارلايدى «اقتوبە  اقپارات» ورتالىعى.

الدىمەن «ترانگەنەرگو» اق-قا قاراستى جىلىتۋ قازاندىقتارىنىڭ جۇمىسىمەن تانىستى. سونىڭ ءبىرى 41 رازەزدەگى ء«الجان»  جىلىتۋ قازاندىعى. نىسان 2015 جىلى «نۇرلى جول» باعدارلاماسى بويىنشا قايتا جوندەۋدەن وتكەن. قاجەتتى جابدىقتاردىڭ دەنى وتاندىق زاۋىتتار مەن رەسەيدەن ساتىپ الىنعان. جوباعا مەملەكەت بيۋدجەتىنەن 200 ملن تەڭگە قاراجات بولىنگەن. قازاندىق جۇيەسى تولىق اۆتوماتتاندىرىلعان، سۋدى جىلىتۋ بەلگىلەنگەن كەستە بويىنشا جۇرگىزىلەدى. ساعاتىنا 2,5 گيگاكالوري جىلۋ وندىرەدى. ال، تولىق جىلىتۋ قۋاتى - 7,5 گيگاكالوري.

سودان سوڭ ايماق باسشىسى س.جامانقۇلوۆ كوشەسىندەگى جىلىتۋ قازاندىعىنا باردى. ول قالانىڭ ەسكى بولىگى مەن  تەمىر جولىنىڭ جانىندا ۇيلەردى جىلۋمەن قامتاماسىز ەتەدى. بۇل نىسان دا وتكەن جىلى 160 ملن تەڭگەگە «نۇرلى جول» باعدارلاماسى ارقىلى قايتا جاڭعىرتۋدان وتكەن.                

ايتا كەتەيىك، «ترانسەنەرگو» اق-تىڭ 21 جىلىتۋ قازاندىعى بار. ولار جىلۋمەن تۇرعىنداردى ۇزدىكسىز قامتاماسىز ەتۋدە. سونىمەن قاتار، بورىشكەرلەردىڭ ماسەلەسى دە ايتىلدى. تۇتىنۋشىلارىنىڭ نەبارى 66%-ى ۋاقىتىلى تولەم جاسايدى.

- جىلۋ تاراتۋ ورتالىعى (تەتس) قالا تۇرعىندارىنىڭ 93%-ىن جىلۋمەن قامتاماسىز ەتىپ وتىر. اتالعان جىلىتۋ نىساندارى مەملەكەتتىك باعدارلاما بويىنشا قايتا جاڭعىرتۋدان ءوتتى. ال، تۇتىنۋشىلارىنىڭ 66 پايىزى عانا تولەم جاسايدى. ەگەر بورىشكەرلەر ەگەر وزدەرىنىڭ قارىزىن تولىق قايتارماسا، ولارعا اكىمشىلىك شارالار قولدانىلىپ، ايىپپۇل سالىنۋى مۇمكىن. قاجەت بولسا، ولار قىلمىستىق جاۋاپكەرشىلىككە تارتاتىلادى، - دەپ اتاپ ءوتتى بەردىبەك ساپارباەۆ.

سونداي-اق، وبلىس باسشىسى «باتىس–2» ىقشام اۋدانىنداعى كوشەلەردى كەڭەيتۋ جوسپارىمەن تانىستى. جالپى، اۋداندا كوشەلەردە قايتا جاڭعىرتۋدان وتكىزۋ مەن كەڭەيتۋ جۇمىستارى جۇرگىزىلىپ، قالانىڭ باس جوسپارىنا ساي، «ماڭگىلىك ەل» مەن «تاۋەلسىزدىك» كوشەلەرى پايدا بولادى.

اباي-اقپارات