جۇما, 4 ءساۋىر 2025
جاڭالىقتار 4471 0 پىكىر 28 قاراشا, 2016 ساعات 08:54

اقتوبەدە 25 مەترلىك «قىزعالداق» ستەللاسى بوي كوتەردى

وبلىس اكىمى بەردىبەك ساپارباەۆ سەنبى كۇنى قالاداعى بىرقاتار نىسانداردى ارالادى. سونىڭ ءبىرى 12 ىقشام اۋدانىنداعى اينالما جولدىڭ بويىنداعى «قىزعالداق» ستەللاسىنىڭ قۇرىلىس جۇمىستارىمەن تانىستى، - دەپ حابارلايدى اقتوبە وبلىسى اكىمدىگىنىڭ ءباسپاسوز قىزمەتى.

ستەللانىڭ بيىكتى – 25 مەتر، گۇل وزەگىنىڭ ديامەترى – 1,4 مەتر، جالپى فۋندامەنتىنىڭ سالماعى - 215,4 توننا، ال كونسترۋكتسيا - 17 توننا.

وبلىس باسشىسى بەردىبەك ساپارباەۆ اقتوبەنىڭ باستى سيمۆولى «قىزعالداق» ستەللاسى تەۋەلسىزدىكتىڭ 25 جىلدىعىنا ارنالىپ سالىنعاندىعىن اتاپ ءوتتى.

ايتا كەتەيىك، وسىعان دەيىن قالادا اۋەندى سۋبۇرقاق جانە ورتالىق كوشە بويىندا ساعات سىندى نىساندار سالىندى.

سودان سوڭ ايماق باسشىسى 11 ىقشام اۋدانداعى قۇرىلىسى ءجۇرىپ جاتقان حوككەي ءمودۋلىنىڭ جۇمىسىمەن تانىستى. وسى ماڭايدا ورنالاسقان №32, №35, №43 مەكتەپتەردە 3000-نان اسا وقۋشى ءبىلىم الىپ جاتىر. نىسان كەلەر جىلدىڭ ناۋرىز ايىندا پايدالانۋعا بەرىلەدى. بەردىبەك ساپارباەۆ نىساننىڭ اتاۋىن حالىق اراسىندا كونكۋرس وتكىزۋ ارقىلى بەرۋ كەرەكتىگىن قالا اكىمدىگىنە تاپسىردى. 

جالپى العاندا، مەملەكەتتىك-جەكەمەنشىك سەرىكتەستىك اياسىندا 10 نىساننىڭ قۇرىلىسى جۇرگىزىلىپ جاتىر.

اباي-اقپارات

 

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1327
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3939
46 - ءسوز

بىزگە بەيمالىم باراق حان

جامبىل ارتىقباەۆ 2879