سوزاق اۋدانىنىڭ اكىمى ماقسات يساەۆ، قۇمكەنت، قىزىلكول اۋىلدارىندا بولدى. بۇل تۋرالى سوزاق اۋدانى اكىمدىگىنىڭ ءباسپاسوز قىزمەتى حابارلادى.

ساپار بارىسىندا اۋىل تۇرعىندارىمەن كەزدەسىپ، قىسقا وتىن سۋ، مال ازىعى دايىندىعى بارىسىن سۇرادى. سونداي-اق، قۇمكەنت اۋىلىنداعى قۇمكەنت – قىزىلكول توپتاسقان سۋ قۇبىرى جۇمىسىمەن تانىستى. توپتاسقان سۋ قۇبىرىنداعى سۋ تازارتقىش قۇرىلعىنى اۋىستىرۋ قاجەتتىگىن ايتىپ، «شولاققورعان سۋ» مەكەمەسى باسشىسى ع. نىشىنباەۆ ءتيىستى تاپسىرما بەردى.
سونداي-اق، قىزىلكول ەلدى مەكەنىندەگى سۋ جۇيەسىمەن تانىستى. قازىرگى تاڭدا ەلدى مەكەندە ۇڭعى قۇدىق قازىلعان، سۋ قۇبىرىن قايتا تارتۋ جۇمىستارى جۇرگىزىلۋدى قاجەت ەتەدى. جۇمىس بارىسىن كوزبەن كورگەن اۋدان اكىمى، تەز ارادا ءبىتۋدى قاتاڭ تاپسىردى.

جالپى ماقسات يساەۆ مۇنىڭ الدىندا دا اۋدانداعى ەلدى مەكەندەردى ارپالاپ، حالىقپەن كەزدەسىپ، ولاردىڭ تالاپ-تىلەكتەرىن تىڭداعان بولاتىن. تۇرعىندارمەن وتكەن كەزدەسۋلەر بارىسىندا ءتيىستى تاپسىرمالار بەرىلدى. وڭىرىمىزدە وبلىس باسشىسىنىڭ تىكەلەي تاپسىرماسىمەن جۇزەگە اسىپ جاتقان «اشىق اكىمدىك» جوباسى بويىنشا جەرگىلىكتى اكىمدىكتەر حالىقتىڭ تالاپ-تىلەگىنە قۇلاق اسىپ، ماسەلەلەردى دەر كەزىندە شەشۋ ءۇشىن كەزدەسۋلەر، قابىلداۋلار وتكىزىپ، حالىقتان تۇسكەن ساۋالدارعا جاۋاپتار بەرۋدە.

ەلباسىنىڭ «100 ناقتى قادام» ۇلت جوساپىرانىڭ 94 قادامىنداعى تاپسىرمالاردى ورىنداۋ ماقساتىندا جۇزەگە اسىپ جاتقان «اشىق اكىمدىك» جوباسى بويىنشا مەملەكەتتىك ورگاندار اقپاراتتاردىڭ اشىقتىعىن قامتاماسىز ەتۋدە.

Abai.kz