سوزاق اۋدانى سىزعان اۋىلى وكرۋگىنىڭ اكىمى 9 ايدىڭ قورتىندىسى بويىنشا ەسەپ بەردى. بۇل تۋرالى سوزاق اۋدانى اكىمدىگىنىڭ ءباسپاسوز قىزمەتى حابارلادى.

-2016 جىلى جەرگىلىكتى سالىقتار بويىنشا ىرگەلىك جەر سالىعىنىڭ جوسپارى 90 پايىزعا ورىندالعان. سونداي-اق، مۇلىك سالىعى 82 پايىزعا جەتىپ وتىر.  جىل سوڭىنا دەيىن بەلگىلەنگەن مەجەنى ورىندايمىز،-دەدى، سىزعان اۋىل وكرۋگىنىڭ اكىمى مانات توققوجاەۆا.

بۇگىندە سىزعان اۋىل وكرۋگىندە 27 شاعىن كاسىپكەرلىك سۋبەكتىلەرى تىركەلگەن. ولاردا تۇراقتى 39 ادام جۇمىسپەن قامتىلىپ، 17 دۇكەن، 1 ءدارىحانا 6 شايحانا 2 تويحانا جۇمىس جاسايدى. الداعى كەزدە شاعىن كاسىپكەرلىكپەن اينالىساتىن سۋبەكتىلەردىڭ سانىن كوبەيتۋ جوسپارلانۋدا.  مال باسى ارتىپ، ءمۇيىزدى ءىرى قارا 3677 باس، مايدا مال، 37186,  جىلقى 1330 باس تۇيە 550 باس ءار شارۋاقوجالىق ءوز ءجۇمىستارىن جۇيەلى تۇردە جۇرگىزىپ كەلەدى. مەملەكەتتىڭ بەرىپ جاتقان كومەكتەرىنىڭ ارقاسىندا شارۋلار مول ىرىسقا كەنەلگەن.

سونداي-اق، «شۇقىروي» سۋ توعانى اعىمداعى جوندەۋدەن وتكىزىلدى. قاينار، قوزمالداق ەلدى مەكەنى كوشەلەرىنە تاس توسەلدى. سونىمەن قاتار مەملەكەتتىك ساتىپ الۋ بويىنشا 7 كم جولعا قيىرشاق تاس توسەلىپ بولاشاقتا اسفالت توسەۋ جوسپارلانۋدا. حالىقتىڭ ءال-اۋقاتىن ارتتىرىپ جۇمىسسىزداردى جۇمىسقا تارتۋ، از قامتاماسىز ەتىلگەن وتباسىلارعا كومەك بەرۋ اكىمشىلىك نازارىنان تىس قالماق ەمەس.  مۇمكىندىگى شەكتەۋلى جانعا مۇمكىندىگىنشە كومەك بەرىلىپ، اتاۋلى كۇندەردە قارجىلاي سىيلىقتاپ تابىس ەتىلىپ كەلەدى.

ايتا كەتەيىك، ەلباسىنىڭ «100 ناقتى قادام» ۇلت جوسپارىنداعى تاپسىرماسىنا سايكەس بىلتىر قابىلدانعان «اقپاراتقا قول جەتكىزۋ تۋرالى» زاڭ بويىنشا ورتالىق اتقارۋشى ورگانداردىڭ (قازاقستان رەسپۋبليكاسىنىڭ قورعانىس مينيسترلىگىن قوسپاعاندا) باسشىلارى، اكىمدەر جانە ۇلتتىق جوعارى وقۋ ورىندارىنىڭ باسشىلارى جىلىنا ءبىر رەتتەن سيرەتپەي اتقارىلعان جۇمىس تۋرالى حالىق الدىندا ەسەپ بەرەدى. اتالعان زاڭعا سايكەس مەملەكەتتىك ورگاندار مەملەكەتتىك قۇپيالاردى قوسپاعاندا كەز-كەلگەن اقپاراتتىڭ اشىقتىعىن قامتاماسىز ەتۋگە مىندەتتى.

Abai.kz