ەلىمىزدىڭ تۇڭعىش پرەزيدەنتى ن.نازارباەۆ ءوزىنىڭ «100 ناقتى قادام» ۇلت جوسپارىندا ەسەپ بەرۋگە مىندەتتى ۇكىمەتتى قالىپتاسىرۋدى كوزدەپ، «اشىق ۇكىمەت» جوباسىن ەنگىزۋدى تاپسىرعان بولاتىن. پرەزيدەنت بۇيرىعىن العاش جۇزەگە اسىرعان وقو اكىمدىگى «اشىق اكىمدىك» قىزمەتىن ىسكە قوسىپ، جاڭا جوبا بۇگىندە قارقىن الىپ كەلەدى.

وسى ورايدا اۋدان، اۋىل اكىمدەرى حالىق الدىندا اشىق تۇردە ەسەپ بەرىپ، اتقارىلعان جۇمىستارى تۋرالى مالىمەتتەردى رەسمي سايت، الەۋمەتتىك جەلىلەرگە سالىپ، اقپاراتتى حالىققا قولجەتىمدى ەتۋدە. سوزاق اۋدانىنىڭ اكىمى م.يساەۆ اعىمداعى جىلدىڭ 6 ايداعى اتقارىلعان جۇمىستارى تۋرالى بايانداماسىن حالىق الدىندا ايتقاننان بولەك اۋداننىڭ رسەمي سايتىنا «اشىق اكىمدىكتىڭ» قاعيداسىنا ساي جاريالاپ وتىر.

اۋدان اكىمىنىڭ ەسەبى بويىنشا اعىمداعى جىلدىڭ التى ايىنىڭ قورىتىندىسىمەن اۋداننىڭ  جالپى بيۋدجەتىنە 43 ميلليارد 694 ميلليون 785 مىڭ تەڭگە قارجى ءتۇسىپ، جوسپار 174 پايىزعا ورىندالدى. 2015 جىلدىڭ ەسەپتى كەزەڭىمەن سالىستىرعاندا 193 پايىزعا ءوسىم بار. بيۋدجەتتىڭ كونتينگەنت بويىنشا جوسپارى 4 ملرد 580 ملن 812 مىڭ تەڭگەنى قۇراپ، جوسپار 114 پايىزعا ارتىعىمەن ورىندالدى. وتكەن 2015 جىلدىڭ ەسەپتى كەزەڭىمەن سالىستىرعاندا 78 پايىزدى قۇراپ وتىر.

بيىلعى جارتى جىلدىقتا  جەرگىلىكتى بيۋدجەتكە 4 ميلليارد 308 ميلليون 586 مىڭ تەڭگە قارجى ءتۇسىپ، جوسپار 115 پايىزعا ورىندالعان.  جارتى جىلدىقتىڭ قورىتىندىسىمەن بيۋدجەتتىڭ شىعىس بولىگى 6 ملرد 144 ملن 908 مىڭ تەڭگەنى قۇراپ 99,7 پايىزعا يگەرىلگەن. ەسەپتى جىلدىڭ 6 ايىندا جالپى وڭىرلىك ءونىم 158 ملرد 106 ملن تەڭگەنىڭ ءونىمى وندىرىلگەن. 2015 جىلدىڭ ەسەپتى كەزەڭىمەن سالىستىرعاندا 171 پايىزعا نەمەسە 65 ملرد 962 ملن تەڭگەگە ۇلعايىپ وتىر. 

ونىڭ ىشىندە ونەركاسىپ سالاسى بويىنشا 149 ملرد 890 ملن تەڭگە،  اۋىل شارۋاشىلىق سالاسىنىڭ ۇلەسى 3 ملرد 825 ملن  تەڭگەنى قۇرادى.  ەسەپتى جىلدىڭ 6 ايىندا اۋدان ەكونوميكاسىنا  14 ملرد 100 ملن  تەڭگە ينۆەستيتسيا تارتىلدى. 2015 جىلدىڭ ەسەپتى كەزەڭىمەن  سالىستىرعاندا  125 پايىزعا%  ارتتى.  ونىڭ ىشىندە، جەرگىلىكتى بيۋدجەتتەن – 1 ملرد 31 ملن تەڭگەگە،  كاسىپورىنداردىڭ جانە ۇيىمداردىڭ جانە حالىقتىڭ ءوز قارجىسى ەسەبىنەن - 12 ملرد 795 ملن تەڭگە، قارىز قاراجاتى ەسمەبىنەن – 274 ملن تەڭگە ينۆەستيتسيا   تارتىلعان.  

Abai.kz