70 جىلدىق مەرەيتويىن اتاپ وتكەن سوزاق اۋدانى جۋانتوبە اۋىل وكرۋگىنىڭ اكىمى اناس جايلاۋباي توعىز ايدىڭ قورىتىندىسى بويىنشا بۇقارالىق اقپارات قۇرالدارىنىڭ وكىلدەرىنە بريفينگ بەرىپ، اۋىلدىق اكىمدىكتىڭ اتقارىپ جاتقان جۇمىستارىمەن تانىستىردى. بۇل تۋرالى سوزاق اۋدانى اكىمدىگىنىڭ ءباسپاسوز قىزمەتى حابارلادى.

اناس جايلاۋبايدىڭ ايتۋىنشا، 9 ايدا اۋىل شارۋاشىلىعى، ءبىلىم سالاسى الەۋمەتتىك سالالار ىلگەرى باسقان.  ۇساق مال 101 پايىزعا، تۇيە 102 پايىزعا، ءمۇيىزدى ءىرى قارا مالى 102 پايىزعا ارتقان. تۇرعىندار 12,3 ميلليون تەڭگە كولەمىندە نەسيە الىپ، 120 باس ءمۇيىزدى ءىرى قارا مال باسىن اسىلداندىرىلعان.

بيىلعى جىلى «بالاپان» باعدارلاماسى اياسىندا جەكەمەنشىك 50 ورىندىق بالاباقشا جۇمىسىن باستاعالى وتىر. اۋىلدىڭ 15 ازاماتى جۇمىسپەن قامتىلادى دەپ كۇتىلۋدە. اۋىلدى تازا ۇستاۋ ماقساتىندا 17 رەت سەنبىلىك ۇيىمداستىرىلىپ، 120 توننا كۇل قوقىس شىعارىلىپ، 800 دانا تال كوشەتتەرى ەگىلدى.

70 جىلدىق مەرەكەگە وراي، ورتالىق مادەني ساۋىقتىرۋ الاڭى دەمەۋشىلەر ەسەبىنەن بوي كوتەردى.  جەڭىستىڭ 70 جىلدىق مەرەكەسىنە، سونداي-اق، «التىن»، «كۇمىس» القايەگەرلەرىنە 2 ميلليون 397 مىڭ تەڭگەنىڭ كومەگى كورسەتىلگەن.

ايتا كەتەيىك، ەلباسىنىڭ «100 ناقتى قادام» ۇلت جوسپارىنىڭ 94 قادامى، ياعني كەز-كەلگەن اقپاراتتىڭ اشتىعىن قامتاماسىز ەتەتىن «اشىق ۇكىمەت» جوباسىنا سايكەس بارلىق دەڭگەيدەگى اكىمدەر جىلىنا كەم دەگەندە ءبىر رەت حالىققا ەسەپ بەرىپ وتىرۋى ءتيىس.

Abai.kz