قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي، شىمكەنت قالاسىنداعى «تۇركىستان» سارايىندا وڭتۇستىك قازاقستان وبلىسىنان شىققان ونەر جۇلدىزدارىنىڭ قاتىسۋىمەن «تۋعان ەلگە تاعزىم» اتتى قايىرىمدىلىق كونتسەرتى  وتتى. بۇل تۋرالى «اباي اقپارات» وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

قايىرىمدىلىق كونتسەرتكە ەلىمىزدىڭ ساحنالارىندا ونەر كورسەتىپ جۇرگەن «شانشار»، «الداراسپان»، «نىسانا»، «شىمكەنت-شوۋ» ساتيرا تەاترلارىمەن قاتار وبلىستىق ءازىل-سىقاق جانە ساتيرا تەاترى، سونداي-اق،  قازاق ەستراداسىنا تانىمال مارات وماروۆ، تاڭات مامىرحانۇلى، جۇبانىش جەكسەنۇلى، شاحيزادا بايپاتشانوۆا، قانات ۇمبەتوۆ سىندى انشىلەر قاتىسىپ، جەرلەستەرىنە مەرەكەلىك كوڭىل كۇي سىيلادى.

كونتسەرتتەن تۇسكەن 2 ميلليون تەڭگە الەۋمەتتىك جاعدايى تومەن، قوعامدىق كومەكتى  اسا قاجەت ەتەتىن 8 وتباسىعا 250 مىڭ تەڭگەدەن ۇلەستىرىلدى.

«تۋعان جەرگە تاعزىم» قايىرىمدىلىق شاراسىندا ءسوز العان وبلىستىق مادەنيەت باسقارماسىنىڭ باسشىسى ن.احمەتجانوۆ بارشا قاتىسۋشى وردالى وڭتۇستىك ءوڭىرىنىڭ ءتول پەرزەنتتەرىنە العىسىن ءبىلدىردى.

ەل تاۋەلسىزدىگىنىڭ 25 جىلدىعى اياسىندا وبلىستاعى بارلىق مادەني مەكەمەلەر مەن مادەنيەت ۇيلەرىنىڭ ونەر قىزمەتكەرلەرى تۇراقتى تۇردە وڭىرىمىزدەگى اتا-انالارىنىڭ قامقورلىعىنسىز قالعان بالالار ۇيىنە بارىپ، ارنايى قويىلىمدار مەن ءىس-شارالار ۇيىمداستىرىپ بالعىن بالالاردى قۋانتۋدا.

اباي اقپارات