«تەكتى ءسوزدىڭ تورەسى – تەرمە» رەسپۋبليكالىق جىرشى-تەرمەشىلەر بايقاۋى ءوتتى - دەپ حابارلايدى اباي-اقپارات.

قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي، قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011 - 2020 جىلدارعا ارنالعان مەملەكەتتىك باعدارلاماسى اياسىندا «تەكتى ءسوزدىڭ تورەسى- تەرمە» رەسپۋبليكالىق جىرشى-تەرمەشىلەر بايقاۋىن وتكىزدى.

اتالعان بايقاۋعا ەلىمىزدىڭ 14 وبلىسىنان جانە استانا، الماتى قالالارىنان وبلىستىق، قالالىق دەڭگەيدە وتكىزىلگەن بايقاۋلاردىڭ جەڭىمپازدارى (بارلىعى 16 ۇمىتكەر) قاتىستى.

رەسپۋبليكالىق كەزەڭنىڭ اياسىندا بايقاۋعا قاتىسۋشىلار ءوز بىلىمدەرى مەن شەبەرلىكتەرىن كەلەسى تاقىرىپتار بويىنشا كورسەتتى:

1) ەل بىرلىگى تۋرالى;

2) تاۋەلسىزدىكتىڭ 25 جىلدىعى تۋرالى;

3) ءتىلدىڭ قازاقستان حالقىن توپتاستىرۋداعى ماڭىزدى ءرولى تۋرالى;

4) ماڭگىلىك ەل يدەياسى تۋرالى.

بايقاۋ قاتىسۋشىلارىنىڭ جۇمىسى مەن جەڭىمپازدارىن حالىق ونەرى شەبەرلەرىنەن، قوعام قايراتكەرلەرىنەن، قوعامدىق ۇيىمداردىڭ وكىلدەرىنەن  قۇرىلعان قازىلار القاسى  باعالاپ، انىقتادى. ولاردى ديپلوم، العىسحاتتار جانە ءىرى كولەمدەگى اقشالاي سىيلىقتارمەن ماراپاتتادى. سونىمەن باس جۇلدەنى جەڭىپ العان  ۋاتقان شاتتىق (الماتى قالاسى) 300 000 مىڭ تەڭگە كولەمىندە اقشالاي سىيلىقپەن ماراپاتتالسا، 1-ورىندى يەلەنگەن  ەسنازار ەلۆيرا (سولتۇستىك قازاقستان وبلىسى) 250 000 تەڭگەنى، 2-ورىندى يەلەنگەن ورازوۆ فارحات (باتىس قازاقستان وبلىسى) 150 000 تەڭگەنى،  3-ورىندى يەلەنگەن بايمىرزا زۋلفيا (استانا قالاسى) مەن تولەباي جاراسقان (قىزىلوردا وبلىسى)  100 000 مىڭ تەڭگەنى قانجىعاسىنا بايلادى.  بايقاۋعا بەلسەنە قاتىسقان ۇمىتكەرلەرگە العىسحاتتار مەن اقشالاي سىياقى تابىستالدى. 

اباي-اقپارات