پرەزيدەنت ن.نازارباەۆتىڭ "100 ناقتى قادام" ۇلت جوسپارىنىڭ 94-ءشى قادامى "اشىق ۇكىمەتتى" ەنگىزۋگە باعىتتالعان بولاتىن. ەلباسىنىڭ بۇيرىعىن العاش بولىپ جۇزەگە اسىرعان وڭتسۇتىك قازاقستان وبلىسى "اشىق اكىمدىك" جۇيەسىنە كوشىپ، حالىققا جاڭا فورماتتا قىزمەت كورسەتۋدە. "اشىق اكىمدىك" جوباسىنىڭ باستى ماقساتى - قوعامداعى دەندەپ كەتكەن، ەلدىڭ دامۋىنا كەدەرگى كەلتىرەتىن سىبايلاس جەمقورلىقپەن كۇرەسۋ، ونىڭ تامىرىنا بالتا شابۋ.

وسى ماقساتتا قازىر وبلىستا بىرقاتار اكىمشىلىك ماماندارى مەن مەكتەپ ديرەكتورلارى اشىق كونكۋرس ارقىلى تاعايىندالىپ جاتقانى يگى باستامالاردىڭ ءبىرى بولدى.  بۇدان بولەك ءار وڭىردە جەمقورلىقتىڭ الدىن الۋ ءۇشىن ءتۇرلى جيىندار مەن باسقوسۋلار وتكىزىلۋدە.

وسىنداي جيىنداردىڭ ءبىرى سارىاعاش اۋدانىندا دا ءوتتى.  اسسامبلەيا مۇشەلەرىمەن وتكەن جيىندا  جەڭ ۇشىنان جالعاسقان سىبايلاس جەمقورلىققا قارسى مادەنيەتتى قالىپتاستىرۋدىڭ جولدارى ءسوز بولدى. كۋرورتتى مەكەندى بۇگىندە 10-نان استام ۇلت وكىلى مەكەن ەتەدى.

ءبارىنىڭ بىرلىگى بەكەم، تىرلىگى تىندىرىمدى. ماڭگىلىك ەل بولۋدى كوكسەگەن حالىقتىڭ قوعام دەرتىنە اينالعان جەمقورلىقتىڭ جولىن كەسۋدە اتقارعان جۇمىستارى دا اۋقىمدى. جيىندا سونداي-اق، ۇلت كوشباسشىسى مەڭزەگەن سارا ساياساتتىڭ ۇدەسىنەن شىعىپ، حالىققا قىزمەت ەتۋدىڭ ءتيىمدى تاسىلدەرى ۇسىنىلدى.

سىبايلاس جەمقورلىققا قارسى مادەنيەتتى قالىپتاستىرۋداعى قوعام مۇشەلەرىنىڭ ورتاق مىندەتى ايتىلدى. القالى جيىندا بەلگىلى بولعانداي، سوڭعى ۋاقىتتا سارىاعاش جەرىندە سىبايلاس جەمقورلىق دەرەكتەرى كەمىگەن. بۇل ىسكە جەرگىلىكتى بيلىك پەن نۇروتاندىقتار مەيلىنشە ىقپال ەتىپ كەلەدى. 

Abai.kz